Recent Posts

Breaking News

Dul-an 22K ka piniriso gipagawas sa BJMP


DUL-AN sa 22,000 ka persons deprived of liberty (PDLs) ang gipagawas gikan sa mga pasilidad nga gidumala sa Bureau of Jail Management and Penology (BJMP) sa tinguha nga luagan ang mga bilanggoan taliwa sa coronavirus disease 2019 (Covid-19) krisis sa nasod.

Si Department of the Interior and Local Government (DILG) Secretary Eduardo Año niingon sa Miyerkules, Hulyo 22, 2020, nga 15,102 nakagawas pinaagi sa paralegal releases pinaagi sa piyansa, plea-bargaining, parole, o probation samtang 6,756 nakagawas pinaagi sa acquittal o naserbisyuhan na ang ilang silot.

Sa kinatibuk-an, 21,858 PDLs ang nakagawas, lakip sa 409 ka mga tiguwang, 621 ang masakiton ug 24 ang mabdos.

“Nagpapasalamat din kami sa Supreme Court sa kanilang mga bagong guidelines na nakatulong sa maraming PDLs,” matod ni Año.

Aron pagseguro sa kaayuhan sa mga PDL, siya niingon nga ang BJMP nagpahigayon og targeted testing sa 51 ka jail facilities ug tulo ka BJMP offices nga dunay mga kaso sa Covid-19.

Lakip sa naapektuhan mao ang mga jail sa Central Visayas nga dunay labing daghang mga kaso sa Covid-19 positive nga niabot og 731, ang Calabarzon nga dunay 146 ka mga kaso ug National Capital Region nga dunay 139 ka mga kaso.

Laing BJMP facilities nga dunay gikataho nga mga kaso mao ang Zamboanga Peninsula kun Region 9 nga dunay 84; Central Luzon nga dunay 13; Mimaropa ug Western Visayas nga dunay tag upat ka mga kaso; Cordillera Administrative Region ug Davao nga dunay tag usa ka kaso.

Base sa mga record sa BJMP dunay 180 ka aktibong Covid-19 sa ilang mga pasilidad sa Hulyo 15. Sa tanang aktibong mga kaso, 126 ang PDLs ug 54 ang BJMP personnel.

Sa kinatibuk-an, 895 ka PDLs ug jail personnel ang nangaayo sa sakit samtang 11 ang nangamatay.

“Si BJMP spokesperson Chief Inspector Solda niingon nga ang mga piniriso nga nakasinati og mga simtomas sa sakit daling gipangdala sa isolation facilities diin sila gipailawom og testing. (SunStar Philippines)


Source: Sun.Star Superbalita (https://www.sunstar.com.ph/article/1864435/Superbalita-Cebu/Balita/Dul-an-22K-ka-piniriso-gipagawas-sa-BJMP?ref=rss&format=simple&link=link)

No comments