Recent Posts

Breaking News

Drive-thru, walk-thru swab test anaa na sa Sugbo


SA NAGPADAYON nga effort sa gobyerno nga maserbisyohan ang publiko og libreng swab test subay niining pandemya, ilusad na sa Sugbo ang labing una nga drive-thru ug walk-thru swabbing sa reverse transcription polymerase chain reaction (rt-PCR) test.

Ang Vicente Sotto Memorial Medical Center (VSMMC) sa Dakbayan sa Sugbo mao ang labing una nga pasilidad nga motanyag sa maong libre nga swab test pinaagi sa drive-thru gawas sa National Capital Region.

"This is a program of our Subnational Laboratory (SNL) in line with the Expanded Testing Guidelines per DOH Memorandum 2020-0258-A," tipik sa Facebook post sa VSMMC Facebook page.

Apan dili basta-basta nga makawalk-in lang aron magpa-test, kinahanglan nga makakuha og appointment pinaagi sa libre nga online registration sa VSMMC.

"We are inviting our stakeholders to register online and have your schedule with us. You will be given an appoinment for your swabbing schedule in the location provided."

Libre ang maong serbisyo bisan og si kinsa ang gusto, makuha ang resulta niini sulod sa upat ka adlaw diin i-send kini sa VSMMC-SNL pinaagi sa email.

Hatagan usab og kopya ang local government unit kon asa nagpuyo ang kliyente aron mapahigayonan og contact tracing kon magpositibo.

Sukad nag-post ang VSMMC sa ilahang Facebook page sa registration link, usahay dili kini mogana, tambag sa tambalanan nga mo-send og mensahe sa ilang page.

"Due to voluminous registrations, there are times that the link is not accessible, however, retry and/or contact us through this page."

Magsugod ang drive-thru/walk-thru swab testing sa VSMMC Biyernes, Hulyo 24 gikan alas 9:00 sa buntag hangtod alas 3:00 sa hapon.

Sa dalan B. Rodriguez ang entry ug exit point sa parehong drive-thru ug walk-thru sa maong swab testing.


Source: Sun.Star Superbalita (https://www.sunstar.com.ph/article/1864508/Superbalita-Cebu/Balita/Drive-thru-walk-thru-swab-test-anaa-na-sa-Sugbo?ref=rss&format=simple&link=link)

No comments