Recent Posts

Breaking News

DOH: kapin na sa 61K ka kaso sa Covid-19 sa Pilipinas


ANG Department of Health (DOH) kagahapon, Hulyo 16, nitaho nga 2,498 ka bag-ong kaso sa coronavirus infection, usa sa labing taas sa usa ka lang adlaw nga ihap.

Ang total case count niambak ngadto sa 61,266 sa alas 4:00 sa kagahapon, ubos sa 24 oras human ang bag-ong community quarantine classifications ang gipahibalo sugod sa Hulyo 16, Huwebes, ngadto sa 31 sa Hulyo, Biyernes.

Sa 2,498 ka bag-ong kaso, 1,246 ka bag-ong kaso base sa taho gikan sa 71 ka testing laboratories ug and 1,252 ka mga kaso nga ulahing nabalita.

Ang Sars-CoV-2 usa ka novel coronavirus nga hinungdan sa kaso sa Covid-19.

Ang DOH nitaho na dugang 29 ang namatay kagahapon, Enero 16, nga nihatod sa ihap ngadto sa 1,643 nga nakalas.

Kapin sa katunga o 16, gikan sa Central Visayas, uban gikan sa NCR, 3 sa Davao Region ug 1 gikan sa Caraga.

Walo ka pasyente namatay sa Hulyo, 19 sa Hunyo ug 2 sa Mayo.

Samtang, dugang 467 ka pasyente ang naayo sa Covid-19, diin nihatod sa tptal recoveries ngadto sa 21,440.

Dugang sa taho nga 87 nga nadoble sa listahan ang gitangtang total case count.

Ang labing daghan sa bag-ong mga kaso na 1,886 gikan gihapon sa National Capital Region (NCR) samtang 198 gikan sa Cebu, 57 gikan sa Cavite, 44 gikan sa Davao del Sur ug 44 from Laguna.

Ang NCR nagpabilin sa general community quarantine (GCQ), dili kaayo luag nga kuwarentina. (SunStar Philippines)


Source: Sun.Star Superbalita (https://www.sunstar.com.ph/article/1863777/Superbalita-Cebu/Balita/DOH-kapin-na-sa-61K-ka-kaso-sa-Covid-19-sa-Pilipinas?ref=rss&format=simple&link=link)

No comments