Recent Posts

Breaking News

Disiplina, kooperasyon aron Covid masumpo: Baguio mayor


LABING importante nga elemento aron molampos sa pagsumpo sa pagkuyanap sa Covid-19 mao ang disiplina sa kaugalingon ug kooperasyon.

Kini maoy gipaabot nga mensahe ni Baguio City Mayor Benjamin Magalong atol sa iyang pagduaw sa Sugbo kagahapon, Hulyo 7.

Si Magalong kinsa usa ka retiradong heneral sa Philippine National Police (PNP) tuyo nga mianhi sa dakbayan uban sa mga eksperto aron sa pagpahigayon og seminar sa contact tracing aron nga paspas nga mahibaw-an ang kalapad sa naigo sa virus.

Siya nagkanayon nga kinahanglan mag-usab na sa ilang batasan ang mga tawo ug mo-adopt sa new normal uban sa pagsunod sa minimum health protocol. "Kailangan i-emphasize natin sa to yong tinatawag nating responsible behavior... hindi lang sa Cebu kon di sa lahat ng lokalidad sa ating bansa," dason ni Magalong.

Sa iyang bahin, si Labella kinsa maoy chairnan sa Mayor's League of the Philippines (MLP) nihangop sa mga ideya ni Magalong.

Masaligon ang mayor nga sa nagkataas nga recovery rate sa Cebu City nga moabot na sa 52 porsento sa dili layo ang kahigayonan nga molampos ang siyudad sa ilang gubat batok sa virus.

Si Labella padayon nga nanwagan og kahi-usahan uban sa kooperasyon sa publiko aron hingpit nang masulbad ang suliran sa Covid. (PAC)


Source: Sun.Star Superbalita (https://www.sunstar.com.ph/article/1862796/Superbalita-Cebu/Balita/Disiplina-kooperasyon-aron-Covid-masumpo-Baguio-mayor?ref=rss&format=simple&link=link)

No comments