Recent Posts

Breaking News

Compound gi-lockdown; 33 gi-Covid


SIYAM ka mga individual nga nagpuyo sa usa ka compound gi-lockdown human usa sa mga residente nataptan sa coronavirus sa Dakbayan sa Talisay karong Hulyo 7, 2020.

Sa Facebook post sa City of Talisay Public Information Office ang maong compound gi-lockdown na niadtong Hunyo 28 ug gipaubos sa close monitoring ang mga pasyente.

Matod usab sa ilang post adunay dugang 33 ka mga bag-ong kaso sa Covid-19 ang syudad.

Samtang ang uban pang mga kaso nag-gikan sa Barangay Dumlog (3), San Isidro (3), San Roque (1), Poblacion (2), Lagtang (8), Tabunok (1), Linao (1), Lawaan 1 (3), Biasong (1), ug Mohon (1).

Sa kinatibuk-an ang syudad aduna nay 208 nga mga aktibong kaso sa virus, 146 niini ang mga naayo ug 49 ang namatay. (RSR)


Source: Sun.Star Superbalita (https://www.sunstar.com.ph/article/1862859/Superbalita-Cebu/Balita/Compound-gi-lockdown-33-gi-Covid?ref=rss&format=simple&link=link)

No comments