Recent Posts

Breaking News

Cebu City i-GCQ sa Hulyo 31


MOREKOMENDAR si Secretary Roy Cimatu sa Inter Agency Task Force (IATF) nga mapaubos na sa general community quarantine (GCQ) ang dakbayan sa Sugbo human sa Hulyo 31.

Ang overseer sa IATF Visayas nagkanayon nga nag-anam na og kunhod ang gidaghanon sa mga kaso sa Covid ug nangamatay sa maong virus sa miaging semana ug daghan na sab ang nangaayo.

“I will recommend really to bringing down up to GCQ. Actually that is my message to the members of the advisory group. We will work together to bring all these cases down,” pamahayag ni Cimatu.

Sa kasamtangan, ang Cebu City adunay 3,265 ka mga aktibo nga kaso nga anaa sa ospital o isolation centers, samtang moabot sa 4,478 ang recoveries ug 412 ang nakabsan sa kinabuhi.

“Very responsive naman ang mga tao rito cooperative na and in fact very happy na wala na tayong cases violating the lockdowns,” dugang pa sa opisyal. (PAC)


Source: Sun.Star Superbalita (https://www.sunstar.com.ph/article/1864345/Superbalita-Cebu/Balita/Cebu-City-i-GCQ-sa-Hulyo-31?ref=rss&format=simple&link=link)

No comments