Recent Posts

Breaking News

CCLO mipadala og mando sa Kapitan sa Cogon-Ramos


NIPADALA na ang Cebu City Legal Office (CCLO) og show cause order batok sa kapitan sa Barangay Cogon Ramos tungod sa iyang pag-release sa honorarium sa usa ka barangay tanod nga napriso sa City Jail sa Barangay Kalunasan.

Si City Attorney Rey Gealon nihatag og 24 oras kang Kapitan Omar Durano sa pag-isplikar kon nganong dili siya angay manubag sa kasong administratiba sa pag-release niya sa upat ka buwan nga honorarium bisan wala magtrabaho ang tanod.

Ang CCLO adunay gihuptan nga dokumento labot sa pag-release sa honorarium ni Mario Jimenez, sakop sa Barangay Peace and Safety Officers.

Si Jimenez napriso niadtong Mayo 2018 hangtod Marso 2019 apan nakakobra pa siya og honorarium niadtong Hunyo 2018 hangtod Septiyembre 2018.

Ang City Attorney nagkanayon nga dakong katingalahan kon nakaserbisyo pa kini sa maong mga buwan nga natanggong siya sa prisohan.

Si Durano Sr, kagawad Ma. Elena Cayetano ug Vicente Fajardo, barangay treasurer, gipatubag ni Gealon kon nganong dili sila angayan pasakahan og nga dishonesty ug misconduct ilawom sa Section 60 sa Local Government Code of 1991.

Lakip sa iyang ipatubag ang kasong kriminal ubos sa RA 3019 kon Anti Graft amd Corrupt Practices Act gumikan sa iyang pagtugot nga ma-release ang honorarium nga kwestyonabli ang serbisyo gumikan sa iyang pagkapriso. (PAC)


Source: Sun.Star Superbalita (https://www.sunstar.com.ph/article/1864437/Superbalita-Cebu/Balita/CCLO-mipadala-og-mando-sa-Kapitan-sa-Cogon-Ramos?ref=rss&format=simple&link=link)

No comments