Recent Posts

Breaking News

BJMP personnel i-swab test human 7 nagpositibo


DUL-AN sa 30 ka mga sakop sa Bureau of Jail Management and Penology (BJMP) personnel sa Dakbayan sa Talisay ipaubos sa swab test sa Miyerkules, Hulyo 8, 2020.

Kini ang gipahibawo ni Jail Senior Inspector Crsyrel Awe, warden sa Talisay City Jail dihang nahinabi sa Superbalita Cebu.

Matod ni Awe nga kini ilang himuon aron maseguro nga silang tanan way coronavirus disease (Covid-19) human dunay jail officers ug mga piniriso nagpositibo sa miaging semana.

"Lisod man kaayo nga ato ra ba sila nga gipa-duty unya duna diay positibo sa Covid," matod ni Awe.

Gipaniguro ni Awe nga di na mokatap pa ang Covid-19 mao nga iyang ipa-swab test daan ang iyang mga sakop.

"Duna man ta naka duty sa gawas nga mga jail officer nga maoy moresponde o molakaw kon dunay panginahanglanon sa jail facility," dugang ni Awe.

Sa miaging semana, dunay 19 ka mga piniriso ug pito ka jail officers nga positibo sa Covid-19.

Ang mga piniriso ug jail officers naa nila gibutang sa laing building sa ilang compound sa Barangay Maghaway nga nagsilbeng isolation facility.

Sila si Awe ug laing 13 ka jail officers nipailawom sa swab test sa miaging semana, pito kanila positibo sa Covid, samtang laing pito, apil na siya, negatibo. (BBT) q


Source: Sun.Star Superbalita (https://www.sunstar.com.ph/article/1862804/Superbalita-Cebu/Balita/BJMP-personnel-i-swab-test-human-7-nagpositibo?ref=rss&format=simple&link=link)

No comments