Recent Posts

Breaking News

Anti-terror bill gipirmahan ni Duterte


Si Presidente Rodrigo Duterte nipirma sa Biyernes, Hulyo 3, 2020, sa anti-terrorism bill aron mabalaud, nga gikompirmar sa Malacañang sa samang adlaw.

Sa usa ka pamahayag, si Presidential Spokesperson Harry Roque nitataw nga ang Presidente nipirma sa Republic Act No. 11479 kun Anti-Terrorism Act of 2020, human kini tun-i uban sa iyang legal team ug pagtimbang sa mga kabalaka sa nagkadaiyang mga hingtungdan.

“The signing of the aforesaid law demonstrates our serious commitment to stamp out terrorism, which has long plauged the country and has caused unimaginable grief and horror to many of our people,” matod ni Roque.

“Together, let us defeat terrorism and make our communities safe and secure under the rule of law,” siya nidugang.

Ang kontrobersyal nga balaud, nga maoy gitumong sa bag-ohay lang mga mga protesta bisan sa pagdili sa publikong panagtapok taliwa sa coronavirus disease (Covid-19) pandemic, mo-lapse na unta ngadto sa pagkabalaud sunod semana.

Ang final nga balaud giduso sa Kongreso ngadto sa Malacañang niadtong Hunyo 9, mga usa ka semana human si Duterte ni-certify niini nga dinalian.

Ang Senado niaprobar sa balaud niadtong Pebrero 11, 2020 samtang ang Ubos Balay Balauranan niuyon sa kopya sa Senado sa balaud sa Hunyo 3 ug pagkahuman nisagop sa bersyon sa Senado isip ilang kaugalingong amendment.

Ang Presidente nibisita sa Zamboanga City, diin siya nakigtagbo sa mga opisyal sa Philippine National Police ug Western Command sa Armed Forces of the Philippines aron pagsusi sa mga sirkumustansya nga nisangko sa pagkapatay sa upat ka mga sundawo sa mga pulis sa Jolo, Sulu.

Si Senador Panfilo Lacson, primary sponsor sa balaudnon ug kanhi police chief, niila sa Presidente nga maoy nakapahimo sa balaud.

“Much credit goes to President Rodrigo Duterte. With all the pressure coming from different directions against the signing of the anti-terrorism bill into law, at the end of the day, it is his strong political will that mattered most,” matod ni Lacson sa usa ka pamahayag.

“I cannot imagine this measure being signed under another administration. If only for this, I take my hat off to the President. Rest assured that I will exert extra effort in guarding against possible abuse in its implementation, notwithstanding all the safeguards incorporated in this landmark legislation,” dugang sa senador.

Si Senador Francis “Kiko” Pangilinan, kritiko sa administrasyon, niingon nga wa siya makugang sa pag-aprobar ni Duterte sa balaudnon.

“From Day 1, this administration unleashed draconian and authoritarian measures as a showcase of its brand of leadership,” tweet ni Pangilinan.

“These draconian measures, however, have been exposed as nothing more than a show of senseless, mindless violence as means to sow fear amongst the people,” dugang niya. (MVI)


Source: Sun.Star Superbalita (https://www.sunstar.com.ph/article/1862402/Superbalita-Cebu/Balita/Anti-terror-bill-gipirmahan-ni-Duterte?ref=rss&format=simple&link=link)

No comments