Recent Posts

Breaking News

Año mimando sa BFP pag-apil sa contact tracing


SI DEPARTMENT of the Interior and Local Government Secretary Eduardo Año nimando niadtong Biyernes, Hulyo 17, 2020, sa Bureau of Fire Protection sa pag-apil sa house-to-house search sa mild ug asymptomatic nga Covid-19 patients ubos sa “Oplan Kalinga”.

Ang dakong papel sa BFP mao ang pagtabang sa pagbalhin sa mga tawo nga positibo sa coronavirus disease ngadto sa isolation centers sa kagamhanan kon ang ilang balay di haum alang sa home quarantine.

Si Año niingon nga ang Emergency Medical Service and Special Rescue Units sa BFP dunay health personnel ug gikinahanglang mga ekipo nga kasakyan sa Covid-19 patients.

Ang BFP makigtambayayong tali sa Local Epidemiology and Surveillance Unit (LESU) sa local government unit (LGU), kansang health workers maoy mangu.

“The BFP is part of the Municipal/City Covid-19 Task Forces and in this capacity they have been assisting the City/Municipal Health Office transport Covid patients since the start of the pandemic. In fact, they have so far transported 1,674 Covid patients nationwide,” matod ni Año.

Ang pangu sa DILG nimando usab sa BFP sa pagpalig-on sa ilang contact tracing, kay matod niya nakatabang na na sila sa pagsubay sa close contacts sa 18,871 ka mga pasyente.

Ang house-to-house search gitumong aron pagpangita sa mga tawo nga nataptan sa Sars-CoV-2, ang virus nga maoy hinungdan sa coronavirus disease 2019 (Covid-19), ug dad-on sila sa quarantine centers kon ang ilang mga pinuy-anan di angay sa quarantine.

Ang usa ka pasyente mahimong mopailawom sa home quarantine kon naa siyay kaugalingong lawak ug banyo, kon way tiguwang, menor o mabdos nga babaye ug uban pang immunocompromised persons nga mga tawo nga naa sa samang balay.

Samtang si Philippine National Police (PNP) Chief Archie Gamboa niingon nga ang kahibawo sa kapulisan sa natad sa pag-imbestigar mahinungdanon sa contact tracing, nga nababagan sa pipilla ka mga probisyon sa Data Privacy Act.

“Information provided by the patient during testing and subsequent information of close contacts are crucial to make the entire effort work. This is where the investigative skills of the police come in handy. But let me emphasize that this effort is largely within the public safety function of the police,” siya niingon.

“If only we can isolate all tested individuals, without violating their individual rights, until such time that test results are known, then we have already solved half the problem of finding these confirmed cases,” siya nidugang. (SunStar Philippines)


Source: Sun.Star Superbalita (https://www.sunstar.com.ph/article/1864011/Superbalita-Cebu/Balita/Ao-mimando-sa-BFP-pag-apil-sa-contact-tracing?ref=rss&format=simple&link=link)

No comments