Recent Posts

Breaking News

Angkas sa magtiayon gitugot, apan motor patauran og barrier


Back-riding sa mga motorsiklo tugotan na alang sa mga magtiayon sugod sa Biyernes, Hulyo 10, matod ni Interior Secretary Eduardo Año sa Huwebes, Hulyo 9.

Apan kinahanglan nga ang motorsiklo dunay barrier tali sa drayber ug nag-angkas, sama sa modelo nga gipresentar ni Bohol Governor Arthur Yap.

Sa usa ka radio interview, si Año niingon nga kining mao nga lakang giuyonan na sa National Task Force for Covid-19.

"Yes, simula bukas ay papayagan na natin yung back-riding para sa mga couple. At the same time, kailangan mag-wear pa rin ng mask at saka ng crash helmet 'yung ating passenger at rider ," matod ni Año.

Si Año nihulagway sa magtiayon nga kadtong "living in the same household, whether they are married or they are common-law husband and wife or boyfriend and girlfriend."

Aron pagmatuod nga sila magtiayon, kinahanglang mopresentar sila og identification (ID) card nga "with the same surnames."

Kon wa silay ID nga sama sila og apelyedo, si Año nipasabot nga kinahanglang duna silay samang address sa ilang mga ID.

"So, there are so many ways para mapatunayan na they are living in the same house," siya niingon.

Si Año niingon nga ang prototype model nga gamiton alang sa motorcycle back-riding mao ang gi-submit ni Yap.

Sa model ni Yap, ang barrier gibutang sa tunga tali sa rider ug pasahero samtang ang kuptanan naa sa kilid sa barrier. Ang barrier molapaw sa ulo sa pasahero aron maseguro ang panglawas ug kaluwasan. (PNA)


Source: Sun.Star Superbalita (https://www.sunstar.com.ph/article/1862976/Superbalita-Cebu/Balita/Angkas-sa-magtiayon-gitugot-apan-motor-patauran-og-barrier?ref=rss&format=simple&link=link)

No comments