Recent Posts

Breaking News

Amores naulian sa Covid; tuob, vitamin C gamit


HINGPIT nang naulian gikan sa coronavirus disease (Covid-19) si Lapu-Lapu City Councilor Ricardo “Rico” Amores.

Kini ang gikompirmar sa konsehal sa pakighinabi sa Superbalita Cebu sa Miyerkules sa hapon, Hulyo 1.

Matod ni Amores nga ang labing uwahing resulta sa pag negatibo niya sa Covid-19 mao nay ikaduha niya sukad siya nagpositibo duha ka semana na ang nakalabay.

Pagtumar og vitamin C, pag-inom og daghang tubig ug pag tuob kada adlaw maoy pipila sa mga paagi sa pagtambal nga gisuwayan ni Amores samtang siya nakigbatok sa Covid-19.

Mapasalamaton si Amores sa miatiman kaniya nga mga sakop sa City Health Department ug ingon man sa nag-ampo sa iyang kaayohan.

Bisan pa kon nagnegatibo na siya sa Covid-19, nadesisyonan gihapon ni Amores nga magpundo sa iyang balay sulod sa pito ka adlaw.

Kini aron masiguro niya nga di na makatakod ug sa ingon di usab makuyawan ang katawhan kaniya kon mobalik siya pagserbisyo.

"Sa July 9 na lang ko mobalik attend og session para siguro. Igo pud mawala ang kagaw gyud ba kay duna koy mga resolution nga angayan tagaan pagtagad alang sa kaayohan sa mga Oponganon, hilabi na parte sa kuryente sa isla sa Olango," matod ni Amores. (GCM)


Source: Sun.Star Superbalita (https://www.sunstar.com.ph/article/1862126/Superbalita-Cebu/Balita/Amores-naulian-sa-Covid-tuob-vitamin-C-gamit?ref=rss&format=simple&link=link)

No comments