Recent Posts

Breaking News

8 gi-Covid sa Compostela


WALO ka mga residente sa Lungsod sa Compostela ang nataptan sa new coronavirus karong Hulyo 7, 2020.

Sa Facebook post sa Compostela RHU ang mga bag-ong kaso nag gikan sa Barangays Cogon (3); Dap-Dap (1); Estaca (2); Poblacion (1); ug Tamiao (1).

Sa kinatibuk-an ang Compostela aduna nay 32 nga kompirmadong kaso sa Covid diin 31 niini ang mga aktibong kaso.

Gihangyo sa lokal na kagamhanan ang tanan nga kanunay mag puyo sa balay kung walay tuyo sa gawas aron sa paglikay sa pagkatap sa virus. Mao usab ang pag sunod sa mga health protocols sama sa pag sul-ob og face masks, kanunay na pagpanghunaw sa kamot ug pag sunod sa sakto na social distancing. (RSR)


Source: Sun.Star Superbalita (https://www.sunstar.com.ph/article/1862761/Superbalita-Cebu/Balita/8-gi-Covid-sa-Compostela?ref=rss&format=simple&link=link)

No comments