Recent Posts

Breaking News

5 bag-ong kaso sa Covid sa Balamban


MOABOT na sa 18 ka positibong mga kaso sa coronavirus disease (Covid-19) ang natala na sa kinatibuk-an sa lungsod sa Balamban sa Hulyo 4, 2020.

Kini human nga nadugangan og lima ka mga positibong kaso ang lungsod.

Silang tanan pulos mga trabahante sa usa lang ka pribadong kompaniya.

Apan tulo kanila gikan sa laing lugar ug anaa temporaryong nagpuyo sa sityo Maigang, Barangay Arpili, tungod sa trabaho.

Ang unang pasyente mao ang 33 anyos nga babaye nga taga dakbayan sa Carcar.

Ikaduha mao ang 26 anyos nga lalake nga taga lungsod sa Madridejos, isla sa Bantayan, Cebu.

Ikatulo mao ang 30 anyos nga lalake nga taga lungsod sa San Remigio.

Ang ika upat mao ang 24 anyos nga lalake nga taga Sitio Camansiles, Barangay Nangka, Balamban Ikalima mao ang 34 anyos nga lalake nga taga Upper Alang-Alang, Barangay Buanoy sa nahisgutang lungsod.

Nakuhaan sila og swab specimen niadtong Hunyo 30, diin sa maong higayon gipaubos usab sila sa istriktong isolation ug quarantine protocols.

Matod sa lungsod nga mopahigayon usab ang kompaniya og rapid testing sa tanan nga mga empleyado niini samtang gipahunong una ang operasyon.

Kini nga paagiha nga mas dali ang pagsusi sa mga empleyado nga nataptan na virust.

Gisugdan na usab ang pag disinfect sa sulod sa kompaniya.

Matod sa lokal nga kagamhanan nga mipasalig na usab ang ubang dagkong kompaniya sa Balamban nga maghimo usab og advance measures sama sa pagpaubos sa rapid test sa tanang mga empleyado aron malikayan ang pagdaghan sa kaso sa Covid-19.

Base sa datos sa lungsod, may 14 ka mga aktibong kaso sa Covid ang ilang natala, duha na ang naka-recover samtang duha usab ang namatay. (ANV)


Source: Sun.Star Superbalita (https://www.sunstar.com.ph/article/1862461/Superbalita-Cebu/Balita/5-bag-ong-kaso-sa-Covid-sa-Balamban?ref=rss&format=simple&link=link)

No comments