Recent Posts

Breaking News

3 balay sa Barangay Apas naugdaw sa sunog


TULO ka mga panimalay ang naugdaw sa nahitabong sunog sa Sityo Mahayahay sa Barangay Apas, Siyudad sa Sugbo, Martes sa hapon, Hulyo 21, 2020.

Si Fire Officer 2 Fulbert Navarro sa Cebu City Fire Station nga nahinabi sa Superbalita Cebu mibutyag nga nadawat nila ang alarma sa sunog 4:24 sa hapon ug giisa sa first alarm.

Dugang ni Navarro nga nakasinati sila ug kalisod sa ilang pagtubag sa maong sunog tungod kay tungason ang maong dapit hinungdan nga naabtan sa 5:06 sa hapon nakontrolar ug napalong ang kalayo.

Mokabat usab sa P412,000 ang kinatibuk-ang danyos sa maong sunog nga miresulta sa pagka-ugdaw sa tulo ka balay.

Nasayran nga nagsugod ang sunog sa panimalay nila Carlosito Bautista, 55 anyos.

Dugang ni Bautista nga wala gyud silay nabitbit gawas sa refrigerator nga maoy gidali sa pagpagawas sa iyang anak. (BBT)


Source: Sun.Star Superbalita (https://www.sunstar.com.ph/article/1864320/Superbalita-Cebu/Balita/3-balay-sa-Barangay-Apas-naugdaw-sa-sunog?ref=rss&format=simple&link=link)

No comments