Recent Posts

Breaking News

2 patay sa kaso sa pagpamusil


DUHA ka managlahing insidente sa pagpamusil-patay sa dakbayan sa Sugbo.

Unang insidente sa pagpamusil nahitabo pasado alas 7:00 sa gabii Hulyo 29, sa Sityo Sambag 1 sa Barangay Tejero.

Si PLt. Welmer Castillo sa Waterfront Police Station 3 sa Cebu City Police Office (CCPO) niila sa biktima nga si Rolando Deloso, 51, ug molupyo sa maong dapit.

Matod ni Castillo, kini subay sa imbestigasyon sa maong insidente nga samtang naglakaw si Deloso paingon pauli, kasugat matod pa, ang usa ka tawo ug walay daghang pangutana gipusil si Deloso.Si Deloso gipusil duol sa kapilya sa Inahan sa Kanunay nga Panabang.

Bisan sa kadagahan sa kabalayan sa dapit, ng mga pulis naglisod sa pag-ila human walay nakuhang kooperasyon sa mga tawo sa dapit.

Dugang ni Castillo nga ang kapuyo ni Deloso nga si Maria Caingles, 52, ningon nga si Deloso kanhi na napriso sa kaso nga illegal drugs.

Laing insidente sa pagpamusil ang gitubag sa Mambaling Police Station 11 sa Sityo Lawis, Barangay Mambaling.

Si PCpl. Noel Timagos sa Mambaling Police Station, niila sa niila sa biktima nga si Eduardo Lopernes, 31, ug molopyo sa maong dapit.

Sa imbestigasyon sa kapulisan sa Mambaling nasayran nga si Lopernes igo lang migawas sa ilang panimalay aron mangita kon asa ang nagpahigayon og sugal.

Dugang ni Timagos, ang igsuon ni Lopernes niingon nga usa ka buto sa armas ang ilang nadunggan ug pipila ka minuto gipahibalo nga si Lopernes gipusil.

Si Lopernes adunay igo sa iyang likod agi sa bala sa usa ka wala pa masuta nga armas.

Gituohan sa kapulisan nga panimalos ang motibo sa pagpatay kaniya tungod sa mga kaso nga giatubang kaniadto ni Lopernes. (BBT)


Source: Sun.Star Superbalita (https://www.sunstar.com.ph/article/1865368/Superbalita-Cebu/Balita/2-patay-sa-kaso-sa-pagpamusil?ref=rss&format=simple&link=link)

No comments