Recent Posts

Breaking News

1 patay, 4 sikop sa buy-bust


USA ang patay samtang upat ang napusasan sa duha ka managlahi nga mga buy-bust sa kapulisan sa Dakbayan sa Talisay ug lungsod sa Minglanilla sa Martes sa kaadlawon, Hulyo 21, 2020.

Dul-an sa P2 million nga balor sa gituohang shabu ang nasakmit.

Tungang gabii sa Martes, gihimo ang buy-bust sa mga operatiba sa drug enforcement unit sa Talisay City Police Station batok sa usa ka high value individual sa sityo Mananga, Barangay Tabunok.

Apan ang giingong nisukol ang suspek nga giilang si Welmer Mahilum, 32, samtang ang iyang kapuyo nga si Retchie Mae Nudal, 25, nadakpan.

Si Police Major Gerard Ace Pelare, hepe sa Talisay City Police Station, niingon nga kapin usa ka semana ang ilang pag-monitor kang kang Mahilum.

Si Nudal nakuhaan og usa ka pakete sa shabu sa bulsa samtang ang mga personnel sa Scene of Crime Operation (SOCO) personnel nakakuha iug mga pakete sa shabu sa lawas ni Mahilum.

Gibana-bana nga moabot sa P102,000 ang kantidad sa nasakmit nga shabu ug usa ka .45 nga pistola ug usa ka kabhang sa bala ug duha ka mga bala.

Si Tabunok barangay councilor Vicente Rabaya, sa pakighinabi sa Superbalita Cebu, niingon nga si Mahilum kanhi na nila gitokhang apan wala motahan sa kapulisan.

Dugang ni Rabaya nga nalakip usab si Mahilum sa ilang watch list sa Barangay Drug Abuse Council (Badac).

MINGLANILLA

Samtang sa laing hugna sa anti illegal drug operation sa Regional Drug Enforcement Unit (RDEU)-7 ug PDEG ang gilusad uban sa Philippine Drug Enforcement Agency (PDEA)-7 sa Meadowland Subdivision, Barangay Pakigne, lungsod sa Minglanilla, habagatang Sugbo.

Nasakmit ang P1.8 milyunes nga balor sa illegal nga drugas ug usa ka submachine pistol nga dunay 12 ka mga bala.

Nakakuhaan usab og kwarta nga moabot sa P1,700 nga gituohang kita sa ilegal nga drugas ang suspek nga giilang si Ejing Garciano, alyas Ejing. 26, taga sityo Eva, Barangay Basak, Dakbayan sa Lapu-Lapu.

Nadakpan usab sila si Dax Vinloan, taga lungsod sa Liloan ug Gregory Michael, alyas Bato, taga Barangay Apas, Siyudad sa Sugbo.

Matod ni Police Lieutenant Colonel Benedict Poblete, pangu sa RDEU, nga si Garciano maoy giilang supplier og drugs sa Barangay Pakigne samtang sila si Vinloan ug Michael mga kustomer.

Matod ni Poblete nga si Garciano ang gitoohang supplier sa Barangay Pakigne samtang ang laing duha nga mga nadakpan mga kustomer ni Garciano. (BBT)


Source: Sun.Star Superbalita (https://www.sunstar.com.ph/article/1864336/Superbalita-Cebu/Balita/1-patay-4-sikop-sa-buy-bust?ref=rss&format=simple&link=link)

No comments