Recent Posts

Breaking News

Viaduct sirhan og tag 9 ka oras sa 3 ka mga adlaw


Sirad-an og tag siyam ka oras sud sa tulo ka adlaw ang viaduct sa Cebu South Coastal Road gikan sa Hunyo 13-15, 2020.

Ang pagsira magsugod sa alas 8 sa buntag hangtod alas 5 sa hapon.

Gumikan niini, di sab pasudlan og mga sakyanan ang tunnel ug sirado sab ang access sa mga sakyanan duol sa CompaƱa Maritima nga paingon sa viaduct.

Ang pagsira sulod sa siyam ka oras matag adlaw maoy paghatag og agianan para matrabaho sa mga contractor sa Cebu-Cordova Link Expressway (CCLEX) ang pag-istalar sa portal frames sa 3rd bridge nga nahimutang duol sa viaduct.

Si Erwin Navales, operations chief sa Cebu City Transportation Office (CCTO), nagkanayon nga ilang ablihan ang junction paingon sa Barangay Mambaling gikan sa may SM Seaside City para maka-left turn ang mga sakyanan gikan sa Talisay City.

Ang mga sakyanan nga gikan sa North Reclamation Area ug gikan sa City proper nga gustong moagi sa viaduct giabisohan nga adto moagi sa N. Bacalso avenue paingon sa ilang destinasyon. / PAC


Source: Sun.Star Superbalita (https://www.sunstar.com.ph/article/1859930/Superbalita-Cebu/Balita/Viaduct-sirhan-og-tag-9-ka-oras-sa-3-ka-mga-adlaw?ref=rss&format=simple&link=link)

No comments