Recent Posts

Breaking News

Veco apektado usab sa Covid-19 sa ilang pagbalik na sa trabaho


LAKIP nga apektado sa Covid-19 pandemic ang Visayan Electric ug midesisyon kini og organization restructuring sa ilahang mga kawani.

Samtang, subay niini giandam na karon sa Visayan Electric Company Employees Union (Veceu) ang ilahang halapad nga protesta batok sa Visayan Electric human gitaktak sa maong electric company ang giingong 16 ka union officers ug members subay sa redundancy program niini.

“With Covid-19 impacting the economy on a global scale, it is crucial for organizations to be able to adapt to the constantly changing situation. It has created a new normal and has compelled us to rethink the way we work, to consider process re-engineering, retooling, and push further our program for digitalization,” base sa pamahayag sa electric company.

Tungod niini ang Visayan Electric Company Inc., inubanan sa parent company niini nga AboitizPower, mihimo og assessment sa kasamtangan ug alang sa umaabot nga modes of operation ug business conditions sa kompaniya.

“This will allow for resiliency and enable us to remain efficient, competitive, and sustainable as we move forward towards a post-pandemic economy,” tipik sa pamahayag nga giluwatan sa maong kompaniya Huwebes, Hunyo 25.

Matod ni Raul C. Lucero, chief operating officer sa Visayan Electric, aduna’y igong suporta sila nga gitunol ngadto sa mga apektado nga kawani lakip na niini ang separation package ug uban pa.

“It is unfortunate that we had to implement an organization restructuring. We, however, assure the team members who will be affected that we will assist them throughout the transition,” si Lucero nagkanayon.

Samtang ang unyon sa kompaniya nga Veceu nibutyag nga lakip sa gitaktak nga miyembro sa ilang unyon sila si Union Luigi Pusod (secretary), Roberto Pejana (treasurer), Glenn Amor (auditor), Teofanio Nunez, Jr. (director), Edwin Borres (director), Alvin Pajo (director) ug Kevin Enriquez (director).

Daw ang bise presidente ug usa ka direktor nalang ang gipabilin sa unyon.

Matod sa Veceu nga ang redundancy program sa Visayan Electric gipatuman niadtong Hunyo 22 nga daw nakapakurat sa unyon.

“It seems that the Management had taken advantage of the pandemic to virtually bust the Union,” matod ni Lito Ustarez sa National Federation of Labor Unions–Kilusang Mayo Uno (Naflu-KMU) nga affiliated sa Veceu.

Matod ni Roberto Pajena, a treasurer sa unyon nga gitangtang usab sa kompaniya nga “invalid” ang maong redundancy program “because aside from being grossly arbitrary due to absence of proper consultation with the Union, the company was also hiring the services of several hundreds of contractual workers from at least 20 labor-only contractors who are performing the same work and function with regular Veco employees.”

Namahayag usab ang unyon ang aduna’y Notice of Strike batok Visayan Electric ang ilahang isang-at.

Amg Visayan Electric maoy ikaduha nga labing dakong power distributor sa nasod sa pagkakaron. (HBL)


Source: Sun.Star Superbalita (https://www.sunstar.com.ph/article/1861537/Superbalita-Cebu/Balita/Veco-apektado-usab-sa-Covid-19-sa-ilang-pagbalik-na-sa-trabaho?ref=rss&format=simple&link=link)

No comments