Recent Posts

Breaking News

Tsismosa peligro sa virus


KUNG mag-tsismis sa silingan, seguruhon nga naka-face mask aron di gyud mataptan og virus.

Kini ang gibutyag ni Davao City Mayor Sara Duterte-Carpio atol sa radio interview niini kagahapon sa 87.5 dcDR FM.

Sumala ni Duterte-Carpio nga seguruhon nga naka-face mask gayod ug dili mokampante sa silingan.

"Kung manilingan ta or mag-chismis ta, mag-face mask gihapon ta kay kaning mga gate (sa balay) dili makapugong og virus. Dili ta magkampante sa atong mga silingan," ingon sa mayor.

Sa laing bahin, gipahimangnoan sab sa mayor ang tanang Dabawenyo nga kung dunay tinuohan labi na kining tuob, puwede nga makahimo ang bisan kinsa apan sundon gyod ang pahimangno sa health department.

"Mag-remind lang ko sa tanang Dabawenyo, seguro, yes naa tay tinuohan, pero dapat sundon gihapon nato ang giingon sa WHO, DOH nga kinahanglan natong buhaton. So kung duna kita gibati -- ubo, sipon, kalintura, sakit sa tutunlan, ug kalibanga, magpatesting sa kita. Duol sa ta sa atong City Government or pwede kita modiretso sa SPMC since naa na designated Covid-19 area para ma-test kita,” ingon ni Duterte-Carpio diin wala niini gitumbok ang mahitungod sa tuob.

Ning kasamtangan, ang dakbayan sa Davao gipaubos gihapon sa general community quarantine (GCQ) hangtud Hunyo 30, 2020 diin ang tanang Dabawenyo naghulat sa sunod nga anunsyo sa mayor kung mabutang na ba ang siyudad sa modified-CGQ.


Source: Sun.Star Superbalita (https://www.sunstar.com.ph/article/1861536/Superbalita-Davao/Balita/Tsismosa-peligro-sa-virus?ref=rss&format=simple&link=link)

No comments