Recent Posts

Breaking News

Tag-iya sa Ong Kin King namatay


Ang inila nga Sugboanong negusyante, Frederick Kenneth Ong Jr., naila nga Lama sa Filipino-Chinese community sa Sugbo, namatay.

Sa usa ka opisyal nga pamahayag sa Easternians Today, online student publication sa Cebu Eastern College, nikompirmar sa iyang kamatayon sa Hunyo 3, 2020. Ang pamahayag gibutang sa Facebook sa Huwebes, Hunyo 4.

Wa gisulti ang hinungdan sa kamatayon. Si Ong sakop sa board of directors sa CEC.

Siya ang chairman sa Ong Kin King and Company, nga nagoperate isip general merchandise and bakery supplies store sa Carbon Market sa kapin 50 na ka mga tuig. Si Ong apo ni Ong Kin King, usa ka Chinese immigrant nga nianhi sa Cebu sa dayon ika 20 nga siglo ug nitukod sa pabrika sa sabon ug kandila sa Carbon sa 1907.

Si Ong mao usab ang presidente sa Aspac Rural Bank, H&E Industries, Golden Lines Shipping ug Danao Paper Mill.

Siya ang direktor sa St. Vincent General Hospital ug coowner sa Cebu Coliseum Complex. / MVI, SUNSTAR PHILIPPINES


Source: Sun.Star Superbalita (https://www.sunstar.com.ph/article/1858992/Superbalita-Cebu/Balita/Tag-iya-sa-Ong-Kin-King-namatay?ref=rss&format=simple&link=link)

No comments