Recent Posts

Breaking News

Suweldo sa mga med tech nga gi-hire sa Mandaue andam na


MADAWAT na karong semanaha ang sweldo sa mga medical technologists nga gi-hire ekslusibo alang sa rapid diagnostic test sa dakbayan sa Mandaue niadtong Mayo.

Nipagawas sa ilang statement ang Philippine Assosciation of Medical Technologists Inc. (Pamet) Cebu chapter niadtong Hunyo 21, nga mihangyo sa lokal nga pangagamhanan sa dakbayan sa Mandaue ug Sugbo nga ipadali ang sweldo sa mga medtech nga nihatag sa ilang serbisyo atol sa 10-day Strategic Community Testing.

Apan matod ni Giovanni Tianero, budget officer sa dakbayan sa Mandaue, nga naproseso na nila tanang kinahanglan nga i-proseso gani ang sweldo niining mga medtechs madawat na nila karong semanaha.

Gipasabot sab ni Tianero nga ang maong sweldo sa mga medtechs susama sa unang sweldo sa mga nagtrabaho sa gobyerno nga dili madali ug kuha.

“I think everybody in the government will know,” sigon ni Tianero.

Gisiguro lang ni Tianero nga makompleto ang accounting requirements ug sa Commission on Audit (COA). (KFD)


Source: Sun.Star Superbalita (https://www.sunstar.com.ph/article/1861042/Superbalita-Cebu/Balita/Suweldo-sa-mga-med-tech-nga-gi-hire-sa-Mandaue-andam-na?ref=rss&format=simple&link=link)

No comments