Recent Posts

Breaking News

Sugbo adunay 10 ka dugang kaso sa Covid-19


MOABOT 10 ka mga bag-o nga positibong kaso sa coronavirus disease (Covid-19) ang natala lukop lalawigan sa Hunyo 8, 2020.

Kini maoy resulta sa Covid-19 test sa 117 ka mga swab samples nga gisumiter sa probinsya sa Sugbo ngadto sa Vicente Sotto Memorial Medical Center (VSMMC), ang sub-national laboratory sa Central Visayas.

Upat sa maong mga kaso ang gikan sa Consolacion, tulo sa Talisay ug tagsa sa Balamban, Minglanilla ug Tabuelan, matod ni Gobernador Gwendolyn Garcia atol sa press conference sa Kapitolyo Lunes, Hunyo 8.

Labot sa mga dugang kaso sa Covid-19, nakatala usab ang probinsya og 40 ka mga Sugboanon nga nakasinati ug influenza-like illness.

Sa kinatibuk-an, moabot na sa 291 ka mga kaso ang natala sa lalawigan sa Sugbo. Moabot 87 ang naka recover ug 26 ang namatay. (ANV)


Source: Sun.Star Superbalita (https://www.sunstar.com.ph/article/1859434/Superbalita-Cebu/Balita/Sugbo-adunay-10-ka-dugang-kaso-sa-Covid-19?ref=rss&format=simple&link=link)

No comments