Recent Posts

Breaking News

San Remigio mitala sa unang kaso


TRABAHANTE sa usa ka fish supplier sa Baranbay Pasil sa Dakbayan sa Sugbo ang unang kaso sa Covid-19 sa lungsod sa San Remigio.

Matod sa Facebook post sa Municipality of San Remigio, Cebu ang maong pasyente didto na nadestino sa Barangay Pasil sukad pa niadtong buwan sa Abril, apan mi-uli kini sa San Remigio niadtong Hunyo 24.

Gipaubos ang maong pasyente sa rapid test sa Rural Health Unit sa San Remigio niadtong Hunyo 27 ug nag-positibo kini. Subay sa protocol, gipaubos usab sa swab test ang maong pasyente sa susamang adlaw ug mi-gawas ang resulta na kini nag postibo gahapon sa gabii, Hunyo 29.

Nagpahigayon na ang Contact Tracing Team sa San Remigio sa pag subay sa mga primary contacts sa unang kaso sa San Remigio.

Matod usab sa ilang post na adunay walo ka mga close contact gikan sa unang kaso. Gipasalig sa lokal na gobyerno na ipaubos sa swab test ang mga close contacts ug na-isolate na sa isolation center sa Hagnaya Integrated School.

Samtang ang mga myembro sa pamilya sa unang kaso ipaubos usab sa istrikto na home quarantine ug padayon na i-monitor sa Barangay Health Emergency Response Team.

Gi-mandoan sa mayor sa San Remigio ang punong barangay na si Mico Pestaño ug ang Barangay Health Emergency Team sa pag-monitor sa sitwasyon sa Purok Tangkong arun sa pagsiguro sa hampsay ug padayon na pag contact tracing. Mao usab ang pagpatuman sa mga health protocols sa lugar. (RSR)


Source: Sun.Star Superbalita (https://www.sunstar.com.ph/article/1862043/Superbalita-Cebu/Balita/San-Remigio-mitala-sa-unang-kaso?ref=rss&format=simple&link=link)

No comments