Recent Posts

Breaking News

Rehistrasyon sa Comelec prov. gisuspenso una


GIHANGYO sa Commission on Election (Comelec) Province ang mga Sugboanon nga kon mahimo dili lang una modangop sa buhatan aron magparehistro labina kon walay importanteng tuyo.

Si Atty. Lionel Castillano, election officer sa Comelec province, nagkanayon nga kini tungod sa hulga sa coronavirus disease 2019 (Covid-19).

Dugang ni Castillano, dili lang una mosungasong sa pag parehistro isip botante karon nga padayon pa ang hulga sa Covid-19.

Gibutyag ni Castillano nga sukad temporaryo nga napugngan ang operasyon sa buhatan, wala na sila mopadayon sa online registration, kini tungod gikinahanglan man ang biometrics. Sa Hulyo 1, gikatakda nga mobalik na sa operasyon ang tanan nga Comeec offices.

“Ang amoa karon is moabli naman gyud mi kay ni announce ang Manila nga July 1 mobalik na mi sa registration. Mohangyo lang ta ko sa taga Cebu City, Mandaue ug Lapu-Lapu nga kung dili lang kaayo kinahanglan nga magparehistro ug wala kaayo tay inmediate need we would advise nga ato lang sa ipostpone ang pagpa rehistro until such time nga maayo na ang atong health situation,” matod ni Castillano.

Dugang ni Castillano nga hatagan gyud og taas nga lugway ang mga Sugboanon aron maka parehistro kutob Oktubre sa sunod tuig.

Sa Mayo 20, pipila sa mga empleyado ang nakabalik na pag tungha sa buhatan ubos sa skeleton work force.

“Sa pagkakaron wala lang sa nato gipa report ang mga senior citizen ug katong comorbidities, nuon karon rana panahona but by July tanan nami mo balik,” matod ni Catillano.

Giandam na usab sa Comelec Province ang ilang opisina ug ang ilang panglawas alang sa pagtungha.

“Ang problema man gud kay nag plano unta ang Comelec nga ang employees ipaubos unta ug swab test pero wala man tay ma adtoan kay ni-coordinate mi sa DOH di man sila mo swab test ug dili symptomatic maong mag quarantine lang ang mga empleyado kay mao may ingon sa LGU,” matod ni Castillano.

Asoy ni Castillano nga isip pagpangandam sa mga opisina, namutang na sila og mga ali pagpamutang og disinfecting matetials sama sa alcohol ug uban pa.

Kini aron nga mapugngan ang pag takboy sa kagaw.

Hinuon kon man gani may maka sinati ug simtomas sa usa sa mga empleyado diretso nga dili na kini pa tunghaon alang sa seguridad sa tanan.

Kini aron malikay ang pag takod sa bisan unsa nga sakit ingon man sa padayon nga hulga sa Covid-19 sa lalawigan. (ANV)


Source: Sun.Star Superbalita (https://www.sunstar.com.ph/article/1859420/Superbalita-Cebu/Balita/Rehistrasyon-sa-Comelec-prov-gisuspenso-una?ref=rss&format=simple&link=link)

No comments