Recent Posts

Breaking News

QR coded passes gikan sa City Hall kinahanglan sa malls sa siyudad


MGA mall sa Dakbayan sa Sugbo mangita na sa bag-ong giisyu sa City Hall nga QR coded quarantine pass sugod kagahapon, Hunyo 29, 2020.

Sa usa ka pamahayag, ang Ayala Center Cebu niingon nga kinahanglan ang mga mamalitay mopresentar sa ilang QR passes taliwa sa ilang estriktong pagpatuman sa protocol sa kagamhanan sa dakbayan sa Sugbo.

“In compliance with the Cebu City Executive Order No. 082-A, the new city-issued QPASS will be required to enter Ayala Center Cebu,” tipik sa press release.

Bisan ang SM City ug SM Seaside mangayo na usab sa bag-ong passes.

Tipik sa exemption kadtong mga Authorized Persons Outside Residence (Apor) kay gikinahanglan ra silang mopakita sa ilang identification (ID) cards ug certificate of employment (COE).

Matod sa Ayala nga laing tugtan nilang makasulod mao ang mga kawani sa Business Process Outsourcing (BPO) companies.

Nagsugod na ang Cebu City Government sa pag-apod-apod sa 178,000 ka QT coded quarantine passes.

Kini human gikanselar sa Siyudad ubos sa mando sa Department of the Interior and Local Government (DILG) sayo sa miaging semana.

Matag quarantine pass dunay schedule nga adlaw sa paggawas base sa katapusang numero niini.

Kadtong pass nga katapusan odd numbers makagawas sa balay sa Lunes, Miyerkules ug Biyernes. Kadtong even numbers makagawas sa Martes, Huwebes ug Sabado.

Way gitugtang makawas sa Dominggo. (JOB)


Source: Sun.Star Superbalita (https://www.sunstar.com.ph/article/1861885/Superbalita-Cebu/Balita/QR-coded-passes-gikan-sa-City-Hall-kinahanglan-sa-malls-sa-siyudad?ref=rss&format=simple&link=link)

No comments