Recent Posts

Breaking News

QR Code gamiton para contact tracing


ORMOC CITY, Leyte - Aron mas dali ang contact tracing sa mga tawo nga maigo sa coronavirus disease (Covid-19) sa Ormoc City, gimando sa mayor ang pag gamit sa QR Code.

Gimando ni Ormoc City Mayor Richard Gomez ang pag gamit og Quick Response o QR Code sa tanan tawo nga naa sa Ormoc ug mo sulod sa Ormoc.

Ang QR code naglakip sa kumpleto nga pangan, address, edad, contact details, civil status ug gender.

Base sa Executive Order Number 64 nga giisyu ni Gomez, gamiton o ipresentar ang QR code kung mo sulod sa Ormoc ug mo sulod sa mga pampubliko ug pribadong lugar.

Niini, mas mapadali ang pag trace sa mga giadtoan nga lugar ug nakaatubang niadtong tawo nga naigo sa Covid-19 sa miaging mga adlaw.

Unsaon pag kuha sa QR Code?

Ang matag tawo nga dunay smartphone mamahimo nga mo rehistro sa www.safeormoc.today.

Ang tanan barangay giabisohan sa pag asister sa ilang mga residente ug dapat makig coordinate sa Information and Technology Department sa City Hall.

Human sa pag rehistro, automatiko kini nga mo sulod sa database.

Gisiguro sa kagamhanan nga safe ang datos sa matag tao ug di basta ma-access ni bisan kinsa.

Base sa Executive Order, kung ugaling naay i-contact trace or naay maigo sa Covid, mamahimo nga mo check sa data mao lang ang Mayor, City Health Officer ug direktor sa kapulisan.

Apan sa una pa susihon ang data, gikinahanglan nga dunay authorization gikan sa tag-iya niini.

Matod ni City Councilor Lalaine Marcos, chairman sa Media and Communication sa konseho, ang barangay na ang mo asister niadtong mga tawo nga walay smartphone or internet.

"You can be assisted by your barangay to register and i-print lang ang inyong QR code. Pwede na ninyo dalhon dalhon or ipapilit na ninyo sa inyong quarantine pass" matod ni Marcos

Gihatagan usab og katungod ang matag estaboismento sa pagpangita og I.D kung pananglit magduda sa tawo nga nagdala sa QR code.

Ang Business Permit and Licensing Office (BPLO) mo suroy sa tanan establismento aron sa pagpahibawo niining maong kamanduan.

Giawhag usab ni Marcos ang publiko nga dili duwa duwaan ug palabian og testing ang pag kuha sa QR code.

Ang matag establismento giawhag nga i-rehistro ang ilang QR code scanner.

Dugang ni Marcos, iya na usab karon giduso sa konseho ang ordinansa sa pag regulate sa paggamit sa QR code.

Sama nalang sa paghatag og penalty sa mga magbinuang og hatag sa data, paggamit ug pagkopya.

Matod ni Marcos, sa Biyernes, Hunyo 12 ang launching niini ug ang Executive Order sa QR code mo epekto sa Hunyo 15, 2020. JKDP


Source: Sun.Star Superbalita (https://www.sunstar.com.ph/article/1859480/Superbalita-Cebu/Balita/QR-Code-gamiton-para-contact-tracing?ref=rss&format=simple&link=link)

No comments