Recent Posts

Breaking News

Pugante sa District Jail patay sa engkwentro


COTABATO CITY -- Usa ka pugante sa Cotabato District Jail (CDJ) ang napatay ug duha niya ka mga kaubanan ang nadakpan sa engkwentro sa mga awtoridad alas 4:00 sa hapon niadtong adlaw nga Lunes sa probinsya sa Maguindanao.

Giila ang napatay nga si Tonton Mohammad, kanhi nga mipuga sa CDJ, samtang duha niya ka mga kauban ang nasikop mao sila sila Victor Pasawilan Sabar ug Nano Solaiman Mohammad, mga molupyo sa Baranga Midpandacan, General Salipada Pendatun, Maguindanao.

Gibutryag ni Maguindanao Police Provincial Director Colonel Arnold Santiago nga milusad sila og law enforcement operation kauban ang militar ug PDEA-Barmm sa lungsod sa SK Pindatun Maguindanao.

Misukol si Tonton Mohammad sa raiding team ug napatay samtang nadakpan ang iyang mga kauban.

Narekober gikan sa mga suspek ang mga armas, bala, magazine ug mga personal nga kagamitan.

Ang tulo mga miyembro sa Kenteng Kidnap for Ransom Group nga naglihok sa Maguindanao.

Gitakda nga pasakaan sa tukmang kaso ang duha sa mga suspek nga gipansak na karon sa prisohan. (Edgar Fuerzas)


Source: Sun.Star Superbalita (https://www.sunstar.com.ph/article/1858683/Superbalita-Davao/Balita/Pugante-sa-District-Jail-patay-sa-engkwentro?ref=rss&format=simple&link=link)

No comments