Recent Posts

Breaking News

Pagtugot sa backride sa motorsiklo tukion sa IATF


Tun-an pag usab sa Inter Agency Task Force (IATF) ang posibleng pagtugot sa pag backride sa mga motorsiklo sa mga lugar nga dunay zero Covid cases.

Kini maoy gipahibawo ni Secretary Carlito Galvez Jr., chief implementer sa National Task Force (NTF) batok coronavirus disease (Covid-19).

“Titingnan po natin. Alam po namin na ang hinaing po, lalo na yung nasa probinsya na medyo minimal o zero cases, titingnan po natin if we can talk it over sa next meeting namin sa Monday sa IATF,” matod ni Galvez.

Matod niya nga posibleng may mga bag-ong paagi unya nga mahimong ipatuman aron mogaan ang kahimtang ilabi na sa kalungsoran nga naglisod sa transportasyon gumikan sa community quarantine.

“Titingnan po natin. Kagabi nga po si Governor Arturo Yap nagbigay ng prototype. Natutuwa po kami kasi may pinakitang innovation siya. We might consider yung innovation na yun para atleast maipakita natin yun sa social media na may enough protection,” matod ni Galvez.

Ang desisyon moagi pa og taas nga pagtuki tungod sa legal charges nga posibleng atubangon unya sa mosupak sa kamandoan sa IATF.

Ang pag backride giisip sa task force nga misupak sa physical distancing policy nga kinahanglang sundon aron malikayan ang pagtakod sa Covid-19.

Pipila na ka mga lungsod ug probinsya lakip na ang Sugbo ang mihangyo niini, apan napakyas lang human wa tugoti ni Presidente Rodrigo Duterte.

Bisan si Gobernador Gwendolyn Garcia, pinaluyohan sa pito ka mga kongresista sa Lalawigan sa Sugbo, mopatuman unta og executive order nga gipasubay usa ka orinansahon, apan wa madayon human wa tugoti ni Duterte. / ANV


Source: Sun.Star Superbalita (https://www.sunstar.com.ph/article/1859927/Superbalita-Cebu/Balita/Pagtugot-sa-backride-sa-motorsiklo-tukion-sa-IATF?ref=rss&format=simple&link=link)

No comments