Recent Posts

Breaking News

Paghatag sa ayuda sa senior citizens nagpadayon


NAGPADAYON ang distribution sa tag P3,000 nga hinabang ngadto sa mga senior citizen sa Dakbayan sa Sugbo.

Si Atty. Jerone Castillo, officer-in-charge sa City Treasurer’s Office (CTO), niingon nga ilang gilugwayan hangtod Hunyo 15 ang pagpang-apud-apod sa ayuda ngadto sa kabarangayan.

Sa pagkakaron, kapin o kulang 90 porsiyento na ang nahatagan sa 82,000 ka nga senior citizen nga maoy kwalipikado nga makadawat, matod ni Castillo.

Si Castillo nagkanayon nga human sa Hunyo 15, ilang susihon ang wa makadawat ug unsay rason kon nganong sa kataas sa gihatag nga lugway sa City Hall, wa gihapon sila makakobra.

Niadtong ikaduhang semana sa Mayo, nagsugod ang house-to-house distribution sa financial assistance diin naglisod ang disbursing officers gumikan sa presensiya sa Covid-10 sa lainlaing barangay.

Si Mayor Edgardo Labella una rang nibutyag nga bisan kon wa makakobra ang senior citizens atol sa distribution sanglit makobra gihapon nila ang ayuda sulod sa 10 ka adlaw human sa paglibkas klasipikasyon sa siyudad ubos sa general community quarantine (GCQ).

Ubos sa GCQ, padayon nga naka-stay at home ang mga senior citizen ug kadtong nag-edad og 21 anyos paubos. (PAC)


Source: Sun.Star Superbalita (https://www.sunstar.com.ph/article/1859427/Superbalita-Cebu/Balita/Paghatag-sa-ayuda-sa-senior-citizens-nagpadayon?ref=rss&format=simple&link=link)

No comments