Recent Posts

Breaking News

P22M medical aid gihatag ni Frasco


MOKABAT sa P22 million ang pundo nga nadawat sa lainlaing mga ospital ug mga lungsod alang sa mga pasyente nga lumolupyo sa ikalimang distrito sa Lalawigan sa Sugbo.

Ang pundo gikan sa Medical Aid for Indigents Program ni Kongresista Vincent “Duke” Frasco.

“Ato nang magamit kining pundo aron sa pagtabang sa mga nagpuyo sa fifth district, apan na admit sa mga ospital. Maayo na lang nga makuhaan ang ilang mga kaguol nga naa pay nasakit sa pamilya, magproblema pa gyud sila sa mga bayranan sa ospital,” matod ni Frasco.

Sa P22 milyones, P6 million niini ang alang sa Vicente Memorial Medical Center (VSMMC). Si Frasco nipirma og kasabutan alang sa medical funds tali sa hepe sa VSMMC ug ni Department of Health (DOH 7) Regional Director Dr. Jaime Bernadas.

Ang Eversley Childs Sanitarium and General Hospital sa Mandaue City, diin daghang taga 5th district ang ma admit, nakadawat usab og P6 million.

Laing kasabutan usab ang gipirmahan nila ni Frasco ug Dr. Pythagoras Zerna, hepe sa Eversley, alang niini niadtong Mayo 29.

Ang Cebu Provincial Hospital sa Danao City nakadawat og P5 million samtang ang Ricardo Maningo Memorial Hospital sa San Franciso, Camotes adunay P2 million.

Ang nahabiling P1 million nadawat sa Juan Dosado Memorial Hospital sa lungsod sa Sogod. Nagpinirmahay na usab og memorandum of agreement sila si Frasco ug Gobernador Gwendolyn Garcia alang sa hinabang sa mga ospital ubos sa pamunoan sa Cebu Provincial Government.

“Malipayon nakong ipahibawo nga karon, kining maong pundo naa na gyud sa mga hospital. Daku kaayo kining tabang alang sa kinto distrito,” nagkanayon si Frasco.

Gawas niini, nitunol usab si Frasco og P1 million sa Lungsod sa Borbon ug P1 million sa Lungsod sa Carmen alang gihapon sa maong programa.

“Amo ning gilantaw nga kining medical assistance program makatabang sa mga pobre natong kaigsuonan nga nagsakit ug na admit, kay wala ra ba gyuy pamilya nga maka save para ospital,” dugang ni Frasco. (PR, REV)


Source: Sun.Star Superbalita (https://www.sunstar.com.ph/article/1859200/Superbalita-Cebu/Balita/P22M-medical-aid-gihatag-ni-Frasco?ref=rss&format=simple&link=link)

No comments