Recent Posts

Breaking News

Ormoc andam motabang sa Cebu City


ORMOC City, Leyte - Si Ormoc City Mayor Richard Gomez andam motabang sa dakbayan sa Sugbo sa pagkombate niini batok sa coronavirus disease (Covid-19) kon gikinahanglan.

Matod sa mayor atol sa Ormoc City Covid-19 Task Force Meeting, iyang gihuwat karon kon unsa ang sitwasyon sa Cebu City sa Covid-19.

Si Gomez nagkanayon nga siya nipadala na og 10 ka mga pulis sa Cebu City aron makatabang sa operasyon bahin sa Covid-19.

“Cebu (City) is our big brother in the Visayan region. If there are any help or support we can give Cebu in case they will ask for some help diri sa ato, we are very open and willing to help them out,” pasabot sa mayor.

Gani, andam usab si Gomez mopadala og medical staff sa Cebu kon gikinahanglan na sa siyudad.

“As a matter of fact, we have sent out ten PNP personnel to help out sa operations nila. In the coming days, if they will need additional medical staff, we are willing to send,” dugang sa mayor.

Si Presidente Rodrigo Duterte nipadala usab kang Environment Secretary Roy Cimatu sa Cebu City aron mangulo sa Covid-19 response.

Ang Police Regional Office sa Eastern Visayas, nipadala usab og 54 ka mga pulis sa Cebu City aron makatabang sa pagpatuman sa enhanced community quarantine (ECQ).

Ang Department of the Interior and Local Government (DILG), nipagawas og kamanduan sa temporaryong pagpahunong sa pagpauli sa mga stranded gikan Cebu padung sa laing lugar.

Si Leyte 4th District Congressewoman Lucy Torres - Gomez mipaabot usab sa panawagan nga ipahunong ang pagpauli sa mga stranded paingon sa kwatro distrito sa Leyte.

Giklaro ni Cong. Gomez nga di kini magdugay, gihuwat lang nga maka-graduate ang uban nga gi-isolate aron ma-accomodate na usab ang kadtong gusto mauli. Nagpasalamat naman si Mayor Gomez sa kamanduan sa DILG. (JKDP)


Source: Sun.Star Superbalita (https://www.sunstar.com.ph/article/1861164/Superbalita-Cebu/Balita/Ormoc-andam-motabang-sa-Cebu-City?ref=rss&format=simple&link=link)

No comments