Recent Posts

Breaking News

Nanghagit og sumbagay, napatay


Baybay City, Leyte--Niresulta sa kamatayong panag-inom sa pipila ka mga lalake ning siyudad dihang usa kanila nanggukod ug napusilan sa pulis ning siyudad niadtong miaging semana.

Kini nahitabo sa Sto. NiƱo Village, Zone 1, ning siyudad alas 10:45 sa gabii sa Hunyo 5, 2020.

Base sa report, naaktohan ni Police Corporal Ronel Tapales ang usa ka grupo sa mga lalake nga nag-inom daplin sa karsada.

Ang pag-inom sa daplin sa karsada o pampubliko nga lugar hugot nga gidili ubos sa Executive Order Number 58 nga giisyu ni Mayor Jose Carlos Cari. Gibadlong ni Tapales ang mga lalake nga di mag-inom sa gawas.

Usa sa mga nag-inom nga si Samuel Managbanag, 31, usa ka gym instructor nanghagit og sinumbagay sa pulis.

Nagdumili si Tapales sa pagsukol kang Managbanag.

Bisan sa pagdumili ni Tapales, giatake gihapon siya ni Managbanag hinungdan nga midagan ang pulis aron makalikay.

Dugang sa police report, na-corner si Tapales sa kural nga kawayan ug gisuwayan pag-ilog ni Managbanag ang pistola. / JKDP


Source: Sun.Star Superbalita (https://www.sunstar.com.ph/article/1859916/Superbalita-Cebu/Balita/Nanghagit-og-sumbagay-napatay?ref=rss&format=simple&link=link)

No comments