Recent Posts

Breaking News

Naghikog tungod sa selos?


Crane operator sa cargo vessel nga nakaangkorahe sa Barangay South Poblacion, Dakbayan sa naga, habagatang Sugbo, naghikog sulod sa barko gamit ang pisi.

Gidudahan sa kapulisan nga selos ang hinungdan. Si Police Staff Sergeant Nikki Carlo Clarisan sa Naga City Police Station, niila sa biktima nga si Andrew Laurente, hingkod, kasamtangan pa nga gisuta ang address.

Matod ni Clarisan nga nadiskobrehan ang lawas ni Laurente sulod sa engine room pasado ala 1 sa kaadlawon sa Biyernes, Hunyo 5, 2020.

Sa imbestigasyon sa Naga City Police Station, nasuta nga sa wa pa maghikog si Laurente, ang iyang mga kauban nakabantay nga nakig-chat kini sa iyang asawa nga overseas Filipino worker (OFW) sa Dubai.

Giingong nag send si Laurente og hulagway ngadto sa iyang asawa ug hulagway sa pisi nga iyang gamiton sa paghikog. / BBT


Source: Sun.Star Superbalita (https://www.sunstar.com.ph/article/1859131/Superbalita-Cebu/Balita/Naghikog-tungod-sa-selos?ref=rss&format=simple&link=link)

No comments