Recent Posts

Breaking News

Mohatud og ayuda naunlod ang gisakyang bangka


COTABATO CITY -- Walo ka tawo ang naluwas sa naunlod nga bangka alas 8:20 sa buntag niadtong adlaw nga Lunes sa probinsya sa Maguindanao.

Naila ang mga sakay sa bangka nga sila Maguindanao First District Board Member Mashur Biruar ug pito niya ka mga kaubanan.

Sa taho gikan sa Maguindanao Police Provincial Office nga sakay ang grupo ni Biruar sa bangka nga de-motor gikan sa Port Parang patabok sa Bongo Island Parang Maguindanao.

Sa diha nga anaa na sila tunga-tunga sa lawod, kalit lang gihapak ang bangka sa dakong balod.

Naunlog ang baka og naglutaw-lutaw sa dagat ang mga biktima nga dunay suot nga life jacket.

Nakita sa laing bangka nga dunay sakay sab nga mga kauban sa opisyal hinungdan nga sila mitawag sa PNP-Maritime nga gipangulohan ni Captain Fritze James Madrid ug naluwas ang grupo ni Biruar.

Gitakda unta nga maghatag og hinabang sila Biruar sa mga frontliners ug persons with disability o PWD sa Bongo Island.

Nagpasalamat si Biruar sa PNP-Maritime ug kang Allah nga sila naluwas atol nga naunlod ang ilang gisakyan nga bangka. (Edgar Fuerzas)


Source: Sun.Star Superbalita (https://www.sunstar.com.ph/article/1858681/Superbalita-Davao/Balita/Mohatud-og-ayuda-naunlod-ang-gisakyang-bangka?ref=rss&format=simple&link=link)

No comments