Recent Posts

Breaking News

Moalboal mitala og unang kaso sa Covid-19


LUNGSOD sa Moalboal nakatala sa ilang labing unang kaso sa coronavirus disease (Covid-19).

Ang labing unang pasyente sa lungsod usa ka 25-anyos nga babayeng bag-o nga nanganak sa usa ka ospital sa Dakbayan sa Sugbo, matod sa Badian Rural Health Unit (RHU) sa ilang Facebook page.

Ang Badian RHU maoy nipahigayon sa ikaduhang pagkuha og swab sample aron pagseguro nga duna bay Covid-19 ang ginang.

Ilang nadawat ang taho gikan sa Department of Health (DOH)-Central Visayas nga positibo ang ginang sa Covid-19 sa gabii sa Mayo 31, 2020.

Ang babaye taga Barangay Bugho, unang gikuhaan og swab sample sa ospital sa Dakbayan sa Sugbo diin siya nanganak niadtong Mayo 9, 2020.

Gi-isolate sila og una sa Dakbayan sa Sugbo samtang naghuwat sa resulta nga negatibo.

Gibalik sila og isolate karon didto na sa Moalboal human mogawas sa ikaduhang nga positibo ang ginang sa Covid-19. (ANV)


Source: Sun.Star Superbalita (https://www.sunstar.com.ph/article/1858524/Superbalita-Cebu/Balita/Moalboal-mitala-og-unang-kaso-sa-Covid-19?ref=rss&format=simple&link=link)

No comments