Recent Posts

Breaking News

Minglanilla dunay 3 ka dugang kaso sa Covid-19


TULO ka mga kaso sa coronavirus disease (Covid-19) ang nadugang sa lungsod sa Minglanilla Martes, Hunyo 9, 2020.

Matod sa Minglanilla Rural Health Unit (RHU), ang unang kaso mao ang 41 anyos nga lalaki, taga Barangay Tubod ug nag trabaho sa government office sa dakbayan sa Talisay.

Ang maong pasyente nakasinati ug pag ubo, hilanat ug diarrhea.

Ika duha nga kaso mao ang 30 anyos nga babaye, usa ka frontliner sa dakbayan sa Sugbo. Nagpuyo siya sa Barangay Lower Pakigne.

Matod sa RHU nga kauban ang 30 anyos nga babaye sa duha ka mga frontliners nga nag positibo usab sa coronavirus.

Ika tulo mao ang 60 anyos nga babaye ug molupyo sa Barangay Linao sulod sa Nacua Compound.

Giingong asymptomatic ang pasyente apan na expose kini sa mga positibong kaso sulod sa iyang panimalay.

Gipaubos na sa isolation ang mga pasyente ug gisugdan na ang pagsusi sa mga tawo nga nakahimamat sa mga positibong kaso.

Padayon usab ang gipahigayon nga pag disinfect sa mga lugar nga may positibong kaso.

Ang lungsod sa Minglanilla nakatala na ug 54 ka mga positibo nga kaso sa Covid-19.

Mihangyo ang lokal nga kagamhanan sa mga pag-ampo sa mga konstituente niini ug maningkamot nga magpabilin nga lagsik ang panlawas aron dili dali nga matakboyan sa bisna unsang sakit. (ANV)


Source: Sun.Star Superbalita (https://www.sunstar.com.ph/article/1859487/Superbalita-Cebu/Balita/Minglanilla-dunay-3-ka-dugang-kaso-sa-Covid-19?ref=rss&format=simple&link=link)

No comments