Recent Posts

Breaking News

Mayor: Miracle ug vaccine na lang ang makawala sa Covid-19


MIRACLE na lang ug ang bakuna maoy bugtong makawala sa coronavirus disease (Covid-19) gumikan sa padayon niining pagtaas sa kaso di lamang sa nasud apan lukop kalibutan.

Sa pamahayag ni Davao City Mayor Sara Duterte-Carpio kagahapon, Hunyo 29, gibutyag niini nga dili dayon mahuman ang virus, bisan og moabot pa ang bulan sa Disyembre.

"For now, I can safely say that our Covid-19 situation in Davao City is still manageable. Yes, the Covid-19 pandemic dili mahuman ugma or by December 2020, mahuman ra ni kung naa nay vaccine or miracle, but ang important our management system will respond to the spread of the infection," ingon ni Duterte-Carpio atol sa radio interview sa 87.5 FM dcDR.

Giingon sab niini nga magpaabot ang mga Dabawenyo sa anunsyo ni President Rodrigo Duterte ug sa Inter-Agency Task Force (IATF) on Covid-19 kung mabutang na ba ang siyudad sa modified general community quarantine (MGCQ) sanglit taman lang karong adlawa ang lugway sa GCQ.

Una nang gikabutyag sa mayor nga kung mag MGCQ, gamay lang kini og kausaban gikan sa GCQ, sanglit dugang mga establisyemento lamang ang madugang nga mangabri. (Jeepy P. Compio)


Source: Sun.Star Superbalita (https://www.sunstar.com.ph/article/1861819/Superbalita-Davao/Balita/Mayor-Miracle-ug-vaccine-na-lang-ang-makawala-sa-Covid-19?ref=rss&format=simple&link=link)

No comments