Recent Posts

Breaking News

Mandaue City Hall nasunog


TULO ka mga buhatan sa Mandaue City Hall ang naigo sa sunog sa mga alas 2 pasado sa Huwebes sa kaadlawon, Hunyo 11, 2020.

Ang naugdaw mao ang buhatan sa Sangguniang Panglungsod, bise mayor ug Public Information Office (PIO).

Bisan tuod kon minuto ra ang gintang sa pagtubag sa Mandaue Fire Station sa alarma nga nadawat mga alas 2:49 sa kaadlawon, nakadako gihapon ang kayo, hinungdan sa danyos nga P300,000.

Usa ka Winston Ouano ang nakaangkon og samad sa agtang.

Nakontrolar sa kabomberohan ang kayo mga alas 2:56 ug hingpit nga napawong mga alas 3:30.

Wa pa matino ang sinugdanan ug hinungdan sa sunog. (KFD)


Source: Sun.Star Superbalita (https://www.sunstar.com.ph/article/1859741/Superbalita-Cebu/Balita/Mandaue-City-Hall-nasunog?ref=rss&format=simple&link=link)

No comments