Recent Posts

Breaking News

Malls, ubang mga establisemento bukas na


DUGANG mga patigayon ang nangbukas nunot sa pagpatuman sa general community quarantine (GCQ) sa Dakbayan sa Sugbo.

Ang SM City Cebu ug SM Seaside, ningbukas alang sa mga kustomer, di lang alang sa pagkaon, apan apil na ang retail, electronic ug uban pa.

Ang uban usab nga malls, nangbukas, apan duna pay tenants nga nangandam human sa duha ka buwan kapin nga nanirado. Si Steven Tan, presidente sa SM Supermalls, sa usa ka pamahayag niingon nga dili lang maningil og abangan gikan sa ilang tenants sulod sa kwarantina.

“We fully understand the effects brought by this pandemic especially to our tenants, which is why we have decided, early on, to waive our tenant rental fees during the quarantine period. We are also allowing rental concessions for them during the transition period to help them recover,” nagkanayon si Tan.

Dugang pa niini, nakig-partner pa sila sa ilang tenants alang sa takeout ug delivery ug uban pang online services sama sa personal shopper ug drive-thru o pick-up services aron makadapadayon ang negusyo.

Lakip sa nibukas ang Ayala Center Cebu, apan duna pay tenants nga pabiling sirado sa pagduaw sa Superbalita Cebu sa Hunyo 1, 2020 sa buntag.

Kasagaran niini retail outlets sa mga senina ug uban pa.

Dunay tenants nga nangandam pa alang sa ilang pagbalik og bukas.

Ang malls nipatuman gihapon sa social distancing ug pagpasul-ob og mask.

Matag tawo nga mosulod, ilang gikuhaan og temperatura gamit ang thermal gun.

KATUNGA

Si Cebu Chamber of Commerce and Industry president Felix Taguiam niingon nga 50 porsyento sa mga negusyo nibukas sa tanang matang sa mga industriya nga gitugot sa GCQ.

“It’s a rough estimate and is due to employees getting clearances from their employers,” sulti ni Taguiam sa SunStar Cebu.

Liboan ka mga trabahante ang hinayhinay na usab nga namalik sa trabaho.

“Everyone has to balance life and economy but safety is the utmost importance. We advised our members companies to make sure their employees wear mask, practice social distancing, washing of hands and other safety protocols must be observed,” siya nidugang.

Si Mandaue Chamber of Commerce and Industry president Steven Yu, sa pikas bahin, niingon nga sa unang adlaw, 15 porsyento sa mga negusyo ningbukas na og balik.

“These businesses are mostly in the wholesale and retail of construction supply, automotive and automotive supply, clothing and accessories, electronics, lightings, electrical, fashion, jewelry, etc., as well as more food retail like take-out and delivery. Some malls are still closed, and may open at the latter part of this week,” matod niya. (JOB, REV)


Source: Sun.Star Superbalita (https://www.sunstar.com.ph/article/1858561/Superbalita-Cebu/Balita/Malls-ubang-mga-establisemento-bukas-na?ref=rss&format=simple&link=link)

No comments