Recent Posts

Breaking News

Maestro sa senior high nadakpan sa buy-bust


Tacloban City--nasikop sa kapulisan ang usa ka magtutudlo sa senior high school sa usa ka buy-bust sa Barangay 77, Janrey Subdivision, ning siyudad.

Ang operasyon gilunsad sa Drug Enforcement Unit (DEU) sa Police Station 1, pasado alas 7 sa gabii, Miyerkules, Hunyo 3, 2020.

Ang 35 anyos nga suspek usa ka high value targetug nagpuyo sa maong lugar. Usa ka pulis nga nagpaila nga mamalitay og shabu nakigtransaksyon sa maestro.

Ang maestro napalitan og usa ka pakete sa gituohang shabu hinungdan nga nisinyas ang pulis sa iyang kaubanan ug nahitabo ang pagsikop.

Nasakmit sa kapulisan ang laing duha ka mga pakete sa gituhoang shabu nga ang tanan nagkantidad og P4,500.

Nakuha usab ang P500 nga marked money sa transaksyon.

Dugay na nga gipanid-an sa kapulisan ang maestro sa ilegal nga kalihukan kahuman sa mga report nga ilang nadawat gikan sa komunidad.

Padayon nga giimbestigar ang maestro aron pagtino kinsa ang iyang tinubdan sa illegal drugs.

Giandam na usab sa kapulisan ang kasong kalapasan sa Republic Act 9165 kun Comprehensive Dangerous Drugs Act of 2002 batok sa maestro.


Source: Sun.Star Superbalita (https://www.sunstar.com.ph/article/1859132/Superbalita-Cebu/Balita/Maestro-sa-senior-high-nadakpan-sa-buy-bust?ref=rss&format=simple&link=link)

No comments