Recent Posts

Breaking News

Limitado nga dine-in sa restaurants itugot na sugod karong Hunyo 15


MGA restaurant sa mga dapit nga ubos sa general community quarantine (GCQ) tugotan nga makapadayo na sa ilang dine-in services nga limitado sugod sa Hunyo 15.

Ang Inter-Agency Task Force (IATF) for the Management of Emerging Infectious Diseases niuyon sa pagpadayon sa dine-in services atol sa tigom sa Miyerkules, Hunyo 10, matod sa telebisyong People’s Television Network (PTV) nga iya sa kagamhanan.

Ang dine-in services limitado sa 30 porsyento sa kapasidad sa restaurant. Ang minimum health standards sama sa pagsul-ob og masks o face shields ingon man social distancing gimando isip mga lakang paglikay sa coronavirus disease (Covid-19).

Mga staff sa restaurant pasul-ubon usab og protective equipment.

Ang IATF niuyon human usa ka semana nga nibisita sila si Department of Trade and Industry (DTI), Secretary Ramon Lopez ug National Task Force (NTF) against Covid-19 chief Implementer Carlito Galvez Jr. ningbisita sa McDonald’s, Shakey’s, ug Tim Ho Wan sa SM North Edsa aron pag-obserbar sa dine-in demonstrations nga dunay social distancing ug minimum health protocols.

Sa usa ka pamahayag, si Lopez niingon nga ang IATF niaprobar sa guidelines sa minimum health protocol alang sa dine-in services, nga mao ang mosunod:

• Hustong paglimpyo sa mga lamisa ug lingkuranan (kada human og gamit sa matag kustomer);

• Panagdistansya sa mga lamesa ug lingkuranan labing minos usa ka metro ang gintang;

• Ang face-to-face seating gitugot lang kon dunay proper dividers;

• Makita nga mga marka sa sawog isip giya sa mga kliyente, mas maayo kon color-coded;

• Hustong ventilation matag establisemento;

• Makita ug makab-ot ra dayon ang mga ekipo sa pag-sanitize; • Naa ang menu sa mga pagkaon sa lamesa;

• Way contact sa pagkuha sa order;

• Kinahanglan nga ang materyal sa furniture gama sa materyal nga maagasan nga butangan og plastik alang sa sayon nga paglimpyo;

• Limpyuhan ang trash bins alang sa mga papel ug tissue nga gigamit;

• Limpyuhan ang huna wanan ug kasilyas nga dunay ibutang nga igong sabon, tubig, tissue ug toilet paper; ug

• Pag-disinfect sa mga lugar nga taas og risgo, sama sa order ug bar counters matag 30 minutos.

Ang guidelines nagmando usab sa pagbutang og service stations: mga dapit nga gamiton sa take-way/pick-up; lahi nga hunawanan alang sa mga staff sa kusina ug dine-in customers; contactless drive-thru counters; ug pagsirado sa mga duwaanan.

Ang Metro Manila, Central Visayas, Central Luzon, Cagayan Valley, Calabarzon, Pangasinan, Davao City and Zamboanga City puro ubos sa GCQ hangtod sa Hunyo 15.

Ang ubang mga dapit sa nasod ubos sa modified GCQ, nga maoy dan padung sa new normal.

Si Presidente Rodrigo Duterte gitakdang makigtagbo sa IATF sa Hunyo 15, Lunes, ug mopahibawo sa bag-ong quarantine classifications sa nasod ug posibling alang usab sa pipila ka dapit. / MVI, JM, REV


Source: Sun.Star Superbalita (https://www.sunstar.com.ph/article/1859847/Superbalita-Cebu/Balita/Limitado-nga-dine-in-sa-restaurants-itugot-na-sugod-karong-Hunyo-15?ref=rss&format=simple&link=link)

No comments