Recent Posts

Breaking News

Laing 369 naulian sa Covid; sagad taga Cebu City Jail


Ang Cebu City Government nitala og labing daghan nga recovery sa mga pasyenteng asymptomatic sa coronavirus disease (Covid-19), Hunyo 5, 2020.

Ang City Health Department (CHD) nakatala og 369 ka mga pasyente human sa pipila ka mga semana mga naka-isolate.

Ang Cebu City Jail maoy adunay labing daghan nga naayo nga niabot og 339 ka mga piniriso samtang ang uban gikan sa siyam ka mga barangay.

Laing laboratory-negative nagagikan sa Barangays Basak Pardo (10); Mambaling (8); Poblacion Pardo (4); Inayawan (2); San Nicolas Proper (2); ug Duljo, Suba, Pasil and Ermita tag usa. Si Mayor Edgardo Labella nalipay sa maayong balita sanglit ang City Jail maoy usa sa unang gihugpaan sa Covid-19 niadtong Abril ug Mayo.

“Good news Cebu City! Today we have 369 new recoveries, bringing our total recoveries to1,557 or 60.28%,” tipik sa post ni Labella sa iyang official Facebook page.

Ang Cebu City dunay kinatibuk-ang mga kaso sa Covid nga 2,583 sa Hunyo 5, Sa pagkakaron, ang aktibong mga kaso sa Covid sa dakbayan sa Sugbo anaa na lang sa 995, mayoriya kanila anaa sa mga barangay isolation center ( BIC) nga kasamtangang giatiman pinaagi sa paghatag og pagkaon, vitamins ug pagtuob.

Duna karoy bag-ong 73 ka mga kaso sa Covid-19 sa dakbayan. Kini nagagikan sa Barangays Banilad (1); Basak Pardo (2); Bulacao (2); Luz (2); Basak San Nicolas (1); Calamba (2); Camputhaw (19); Capitol Site (1); Carreta (8); Duljo (6); Ermita (1); Guadalupe (2); Inayawan (1); Lahug (2); Mabolo (2); Mambaling (2); Pahina Central (1); Pasil (2); Pit-os (1); Quiot (1); San Jose (1); Sambag 1 (1); San Nicolas Proper (1); T. Padilla (1); Talamban (1); Tejero (2); Tinago (2); Tisa (2); Busay (1); ug duha sa Cebu City Jail. / dugang taho ni JJL


Source: Sun.Star Superbalita (https://www.sunstar.com.ph/article/1859139/Superbalita-Cebu/Balita/Laing-369-naulian-sa-Covid-sagad-taga-Cebu-City-Jail?ref=rss&format=simple&link=link)

No comments