Recent Posts

Breaking News

Labing dakong tiggama og shabu sa nasod nadakpan sa Laguna


Mga anti-drug operative nakadakop sa Miyerkules, Hunyo 3, sa usa sa labing dako nga tiggama og shabu sa nasod.

Si Samson Tan nadakpan kauban sa iyang duha ka mga kunsabo nga giilang sila si Susyu Sultan ug Dexter Abdala sa usa ka drug bust sa alas 9 sa buntag sa Barangay Don San Jose sa Sta. Rosa City, Laguna.

Nasakmit gikan sa mga suspek ang 500 ka kilo nga shabu nga dunay gibana-banang balor nga P3.4 billion base sa Dangerous Drugs Board (DDB) value.

Si Philippine Drug Enforcement Agency (PDEA) Director General Wilkins Villanueva niingon nga si Tan usa ka chemist. Nadakpan siya sa Manila Police District sa 2008 ug gibalhin sa National Bilibid Prison (NBP) sa 2013, human siya gikombikto.

Hinuon, siya nakagawas sa 2018 human gibaliktad sa Court of Appeals ang pagkombikto kaniya.

“Nung nasa NBP siya ‘yung taga linis ng mga pangit na pagkakagawa ng shabu na nandun sa Bilibid para distribute naman doon sa mga preso during that time.

Sa ngayon, nung paglabas niya since 2018, patuloy pa rin ang paggawa niya ng shabu this time...” matod ni Villanueva. / SunStar Philippines


Source: Sun.Star Superbalita (https://www.sunstar.com.ph/article/1858982/Superbalita-Cebu/Balita/Labing-dakong-tiggama-og-shabu-sa-nasod-nadakpan-sa-Laguna?ref=rss&format=simple&link=link)

No comments