Recent Posts

Breaking News

Kaso sa Covid-19 sa BARMM sobra 100 na


COTABATO CITY -- Misaka na sa 104 ang kaso sa coronavirus disease (Covid 19) sa tibuok Bangsamoro Autonomous Region in Muslim Mindanao (BARMM).

Gibutyag ni BARMM Inter-Agency Task Force on Covid -19 Spokesman Asnin Pendatun nga kadaghanan sa mga nagpositibo sa Covid 19 mga returning overseas Filipino (ROF) ug locally stranded individual (LSI).

Pinakadaghan nga natala naggikan sa Lanao Del Sur nga adunay 74 nga kaso, gisundan sa Maguindanao 21, Basilan 6 , Sulu 3 samtang Covid-free pa gihapon ang Tawi-Tawi.

Gikan sa 104 cases, 44 na ang naka-rekober, 4 ang namatay samtang 52 ang active cases nga anaa sa mga balay tambalanan.

Gidayig sab ni Ministry of Health (MOH-BARMM) Minister Safrullah Dipatuan ang probinsiya sa Tawi-Tawi nga hangtud karon Covid 19 free pa.

Ang Tawi-Tawi kadaghanan sa mga munisipyo anaa sa Coastal area og hugot ang pagpatuman sa lokal nga panggamhanan sa mga health protocols batok sa Covid 19.

Sa kasamtangan, hugtanon nga gitutukan sa MOH-BARMM ang probinsiya sa Lanao Del Sur ug Maguindanao nga padayon ang pagtaas sa mga nagpositibo sa Covid 19.


Source: Sun.Star Superbalita (https://www.sunstar.com.ph/article/1861731/Superbalita-Davao/Balita/Kaso-sa-Covid-19-sa-BARMM-sobra-100-na?ref=rss&format=simple&link=link)

No comments