Recent Posts

Breaking News

Kapin sa 500 aktibo nga kaso sa Cebu Province


MOABOT og 503 ka aktibo nga mga kaso sa coronavirus disease ang natala lukop lalawigan sa Sugbo sa Martes, Hunyo 23, 2020.

Kini maoy gipahibawo ni Cebu Governor Gwendolyn Garcia atol sa iyang press conference.

Base sa datos sa probinsya 68 ang bag-o niini ug sa maong gidaghanon, 110 ang symptomatic, 267 ang asymptomatic samtang 126 ang anaa sa mga ospital.

Niabot na og 166 ka mga pasyente sa Covid-19 ang naulian, apan 61 na usab ang nangamatay.

Sa kinatibuk-an, moabot na og 730 na ang mga kaso sa Covid-19 sa lalawigan sukad niadtong Marso ning tuiga hangtod sa Hunyo.

Samtang nakatala usab ug 71 ka mga indibidwal nga nakasinati ug Influenza like illness (ILI) sa mga Rural Health Units, hinuon walay natala nga kaso sa Severe Acute Respiratory Infection (SARI). (ANV)


Source: Sun.Star Superbalita (https://www.sunstar.com.ph/article/1861174/Superbalita-Cebu/Balita/Kapin-sa-500-aktibo-nga-kaso-sa-Cebu-Province?ref=rss&format=simple&link=link)

No comments