Recent Posts

Breaking News

Kabalaka sa Covid-19?


DAGHAN ang nahadlok ug naalarma sa pamahayag sa Department of Health (DOH) - Eastern Visayas pinaagi sa usa ka mantalaan nga dunay local transmission sa coronavirus disease 2019 (Covid-19) sa Ormoc City.

Pero ang City Health miklaro nga dili city-wide o tibuok Ormoc ang gipasabot sa DOH dunay local transmission.

Matod ni Jaca, ang haom nga termino mao ang Isolated Local Transmission.

Matod Jaca sa Epidemiology and Surveillance Unit sa Ormoc City Health, walay angay ikahadlok ang publiko.

Unsa diay ang nahitabo?

Dunay duha ka nurse sa usa ka unit sa isolation facility sa Dolores ang natakdan sa Covid-19.

Una nga natakdan ang usa ka nurse tungod sa exposure sa usa sa mga na-isolate.

Tungod kay duha sila sa usa ka unit, natakdan sab ang usa ka nurse kay sama nalang sa pag gunit sa door knob.

Mao kini nga hitabo ang gibasehan nga dunay local transimission.

Dugang ni Jaca, dili angay mahadlok kay tungod kay kini silang tanan nga positive cases sa Covid, apil na ang duha ka nurse, toa ra ni sila sa Covid Ligtas Isolation Center sa Dolores. Gi-quarantine kini sila ug wala na makauli sa ilang pamilya.

Ang duty nila kay 7 days ug kahuman sa 7 days i-quarantine sila og laing 7 days sa una pa makagawas sa pasilidad.y.

Ang nahitabo, samtang didto pa sa isolation facility naka duty ang duha ka nurse, nigawas na ang resulta nga positive sila sa Covid-19.

Wala gyod sila makauli sa ilaha ug bisan pag gawas sa isolation facility wala na gyod nila mahimo.

Tanan nga naay close contact sa duha ka nurse ang wala na usab makauli sa ilang pamilya.

Unsa ka layo ang isolation facility? Naa sa kapin 14 kilometros kini gikan sa city proper, layo usab kini sa barangay proper diin daghan ang panimalay.

Interior portion o sudlunon kaayo ni siya sa Dolores.

As of June 22, 2020 naa sa kapin 300 ang gi-isolate sa Dolores.

Si Mayor Richard Gomez nagkanayon nga kung dunay mo abot nga nakig coordinate, sa mga barangay isolation facility na kini sila ibutang lay puno na ang sa Dolores.

Pero pwede gihapon sila sa IAL lodge apan gasto na kini sa gi-isolate.

Pero kung dili mo coordinate, dalhon na kini sa Danhug Isolation Facility ug walay libre nga kaon ug internet kumpara sa Dolores.

Mag atubang usab og kaso ang bisan kinsang tawo nga di mo-coordinate base sa Republic Act 11332.

Sa paghimo ning balita, naay 50 ka kaso sa Covid-19 ang Ormoc ug gi-extended sa Hunyo 30 ning tuiga ang community quarantine sa dakbayan. (JKDP)


Source: Sun.Star Superbalita (https://www.sunstar.com.ph/article/1861015/Superbalita-Cebu/Balita/Kabalaka-sa-Covid-19?ref=rss&format=simple&link=link)

No comments