Recent Posts

Breaking News

Home quarantine gipadili ni Año


SI DEPARTMENT of the Interior and Local Government (DILG) Eduardo Año sa Lunes, Hunyo 29, 2020 niingon nga ang home quarantine kinahanglan nga di na itugot sa mga tawo nga positibo sa coronavirus disease sa Dakbayan sa Sugbo.

Si Año niingon nga kadtong napalgang positibo sa virus kinahanglang dad-on sa isolation o quarantine facility kay sagad nalapas ang mga quarantine prototol sa balay, hinungdan nga dunay pagpanakod sa komunidad.

Matod niya nga si Cebu City Mayor Edgardo Labella “very supportive” sa iyang sugyot.

Di hinuon seguro si Año kon gisagop ba kini sa local task force batok sa Covid-19.

Si Año, sakop sa Inter-Agency Task Force (IATF) for the Management of Emerging Infectious Diseases, nisulti sa interbyu sa radio sa Metro Manila nga ang Kagamhanan sa Dakbayan sa Sugbo bukas sa mga proposal ug sugyot unsaon pagpugong ang pagkuyanap sa Covid.

“Dapat wala munang home quarantine, lahat ng positive ay ilalagay sa facilities. Pag naka-home quarantine yan, maraming violation yan at hindi talaga yan maipapatupad ng maayos, dapat talaga i-extract mo ang lahat ng positive, ilagay natin isolation facility,” matod ni Año.

Giawhag ni Año ang mga residente sa Dakbayan sa Sugbo sa pagsunod sa quarantine protocol labina ang pagsul-ob og face masks ug pag-obserbar sa physical distancing.

Ang katawhan kinahanglang naa ra sa balay ug di mobiyahe kon wa kinahanglana.

Iya usab nga giawhag ang publiko sa pagsabot sa kapulisan nga gimandoan sa pag-estrikto sa pagbutang sa checkpoints ug pagpatuman sa mga lagda sa quarantine.

Ang Camp Crame nipadala og 150 ka mga sakop sa Special Action Force (SAF) aron idugang sa mga pulis sa siyudad sa ingon mapatuman ang mga lagda.

Matod ni Año nga wa mapatuman nga husto ang quarantine protocol sa Siyudad nga maoy dunay labing daghang mga kaso sa Covid-19 sa tibuok nasod.

“May mga politics ding involved and hindi nagkakasundo-sundo. Nagkaroon sila ng isang priority sana na buksan ang economy pero at the end ay dumami ‘yung movement at dumami rin ‘yung contamination,” siya niingon.

Siya niingon nga malaumon si Environment Secretary Roy Cimatu, nagduma sa Covid-19 response sa Cebu City nga moarang-arang na ang kahimtang sa Siyudad sud sa duha ka mga semana. (SunStar Philippines)


Source: Sun.Star Superbalita (https://www.sunstar.com.ph/article/1861890/Superbalita-Cebu/Balita/Home-quarantine-gipadili-ni-Ao?ref=rss&format=simple&link=link)

No comments