Recent Posts

Breaking News

Garcia mibakwi sa iyang EO sa backride


GIBAKWI na ni Cebu Governor Gwendolyn Garcia ang kamandoan nga iyang giluwatan sa Hunyo 3, 2020 labot sa pagtugot sa backriding lukop lalawigan sa Sugbo.

Ang Executive Order (EO) 19 gikatakda unta nga i-adopt sa Hunta Probinsyal karong adlawa, Hunyo 5, pinaagi sa pagpasar og ordinansa sa usa ka special session.

Si Garcia nibutyag atol sa interbyu sa sibyaanang dyLA nga iyang gibakwi ang iyang EO human sa pagsalikway ni Presidente Rodrigo Duterte sa pagtugot sa backride sa motorsiklo.

Si Duterte namahayag niini atol sa iyang nasudnong pagpamulong sa nasod nga gisibya sa telebisyon.

"Yes, I have already advised them nga di lang usa nila i-defer lang usa na kay I will withdraw my EO in deference sa sulti sa Presidente. Mao to akong gisulti no sa mga Sugboanon nga akong gibuhat ang tanan nakong mabuhat tungod niining giatubang nga upat na gani ka buwan nga kalisod tungod aning restrictions sa Covid-19," matod ni Garcia sa samang interbyu sa Hunyo 5, 2020. (ANV)


Source: Sun.Star Superbalita (https://www.sunstar.com.ph/article/1859029/Superbalita-Cebu/Balita/Gwen-Garcia-mibakwi-sa-iyang-executive-order-sa-backride?ref=rss&format=simple&link=link)

No comments