Recent Posts

Breaking News

Espenido: binilyong shabu iya ni Kerwin


Si anti-drugs poster boy Police Lieutenant Colonel Jovie Espenido nilambigit kang self-confessed Visayan drug lord Kerwin Espinosa ngadto sa labing uwahi nga drug busts diin binilyon ka pesos nga balor sa shabu ang nasakmit.

Si Espenido niingon nga ang mga tawo nga nanagtrabaho kang Espinosa apil sa nangamatay o nasikop sa sunodsunod nga anti-drug operations nga gipahigayon sa anti-narcotics operatives sa Philippine National Police (PNP).

“Naglalaro pa sya, naglalaro pa si Kerwin,” matod ni Espenido sa usa ka telephone interview.

Si Espinosa, anak sa napatay nga si Albuera town mayor Rolando Espinosa Sr., ubos sa custody sa National Bureau of Investigation nga dunay full coverage sa Department of Justice’s (DOJ) Witness Protection Program (WPP).

Si Espenido niingon nga si Espinosa mas gamhanan na karon nga siya kay nakapadagan siya sa illegal drugs bisan binilanggo.

“Powerful na e, mas grabe ka powerful kung i-compare mo sa una, mas powerful sya ngayon kasi naka-detain na tapos nakakapaglaro pa,” siya niingon.

Si Espenido nitumbok kang Ryan Labandaria sa Leyte kinsa napatay uban kang Ervyn Querubin sa Cebu sa usa ka pinusilay human sa usa ka drug bust sa Taguig City, Metro Manila sa Mayo 22.

Nasakmit sa kapulisan ang shabu balor og P81.6 million sa mao nga operation.

Si Espenido niingon nga ang magsuon sab nga Angelica ug Maria Lyn Tulio, kinsa nasikop sa usa ka shabu warehouse sa Marilao, Bulacan sa Hunyo 4, nagtrabaho kang Espinosa sa lungsod sa Albuera, Leyte.

Kapin sa P5.6 billion nga balor sa shabu, kun 827 kilograms, ang nasakmit.

Si Angelica giingon nga partner ni Yuwen Cai, caretaker sa bodega sa shabu sa Bulacan. Si Cai nadakpan.

Ang anak ni Cai, si Jin Long Cai, usa sa duha ka drug suspects nga napatay sa pinusilay human sa drug bust sa ParaƱaque City sa Metro Manila sa Hunyo 6.

Napatay usab si Danny Apiga, kinsa nagtrabaho kan Espinosa, matod ni Espinosa.

Nasakmit gikan Apiga ug sa batan-ong Cai ang 36 kilo nga shabu balor og P244.8 million nga shabu.

“Mga tauhan lahat ni Kerwin yan galing yan sa Albuera. Courier yan, courier, mga kinuha sila,” siya ningon.

“Actually Pampanga, Bulacan, Cavite, Pasay at Taguig ang area nila... Ang mga tao dito sa Albuera ay dinala ni Kerwin lahat do’n sa Luzon,” dugang ni Espinido.

Si PNP Drug Enforcement Group Director Romeo Caramat Jr. nikompirmar nga nakadawat siya sa samang impormasyon kalabot sa kalambigitan ni Espinosa apan kini i-validate pa.

“Meron kaming unvalidated info pero vini-verify pa namin to be sure,” siya niingon.

Si Espenido mao ang hepe sa kapulisan sa Albuera sa Nobiyembre 2016, dihang ang Criminal Investigation and Detection Group agents nipusil patay kang mayor Rolando sud sa iyang detention cell.

Naa siya sa listahan ni Presidente Rodrigo Duterte sa mga narco-politician.

Ang kanhi mayor nitahan ngadto sa PNP human siya ginganlan ni Duterte.

Niangkon ang mayor sa kalambigitan ni Kerwin sa illegal drugs. / SUNSTAR PHILIPPINES


Source: Sun.Star Superbalita (https://www.sunstar.com.ph/article/1859852/Superbalita-Cebu/Balita/Espenido-binilyong-shabu-iya-ni-Kerwin?ref=rss&format=simple&link=link)

No comments